{"id":895,"date":"2020-12-24T11:21:53","date_gmt":"2020-12-24T11:21:53","guid":{"rendered":"https:\/\/ilnotiziariobobbiese.net\/wordpress\/?p=895"},"modified":"2021-07-20T19:43:20","modified_gmt":"2021-07-20T19:43:20","slug":"luigi-pasquali","status":"publish","type":"post","link":"https:\/\/ilnotiziariobobbiese.net\/wordpress\/2020\/12\/24\/luigi-pasquali\/","title":{"rendered":"Luigi Pasquali"},"content":{"rendered":"\n

Creatore del sito” il notiziario Bobbiese<\/a>“, scrittore e pubblicista di diversi saggi ed articoli su Bobbio. Nel 2003 pubblica \u201cCento anni di storia bobbiese\u201d e nel 2005 insieme all\u2019amico Paolo Mozzi \u201cUnione Sportiva Bobbiese \u2013 90 anni di storia\u201d, seguito nel 2013 \u201cUnione Sportiva \u2026 a cent\u2019anni\u201d<\/p>\n\n\n\n

Cultore appassionato del nostro dialetto, pubblica nel 2007 con Mario Zerbarini \u201cIl Vocabolario del Dialetto Bobbiese\u201d e nel 2009 sviluppa e d\u00e0 alla stampa la \u201cGrammatica Bobbiese\u201d<\/p>\n\n\n\n

RACCONTI<\/p>\n\n\n\n

Ra dichiarasi\u00f2n ad gu\u00e8ra<\/p>\n\n\n\n

19 giugno 1940<\/p>\n\n\n\n

Am ric\u00f4rd che spit\u00e8vma t\u00fcti u discurs dar Duce, ra g\u00e9nt f\u00f6ra l\u2019\u00e9ra t\u00fcta agit\u00e8 e me p\u00e8r, ch\u2019a l\u2019\u00e9ra en b\u00fct\u00e9ga, u m\u2019ha mand\u00e8 a sent\u00ec la r\u00e0dio da Vig\u00ecn, u n\u00f2star v\u015bin ad c\u00e0.<\/p>\n\n\n\n

L\u2019\u00e8 st\u00e0t on disc\u00f9rs ch\u2019am ma s\u00f4 p\u00f6 da\u015bm\u00e8ntgh\u00e8 e ancam\u00f2 ad\u00e8s l\u2019\u00e8 v\u00ecv ent a mia t\u00e8sta. Am mu s\u00f4n p\u00f6 da\u015bm\u00e8ntgh\u00e8 par d\u00fc mut\u00ecv, u pr\u00ecm che, qu\u00e0nd s\u00f4 camin\u00e8 \u015b\u00f6 p\u2019r e sch\u00e8r e riv\u00e8 f\u00f6ra da u purt\u00f2n h\u00f4 v\u00ecst che t\u00fcta ra g\u00e9nt a l\u2019\u00e9ra cont\u00e9nta e a vu\u015b\u00e8va \u00abViva ar Duce!\u00bb e d\u00fc parch\u00e8 me p\u00e8r, env\u00e8ci e \u00e0nca me \u015biu Romeo i \u00e8ra rabi\u00e8 e i d\u00e8va di stran\u00f9m a Musol\u00ecni. Me, ch\u2019a s\u2019\u00e9ra on \u201cfiglio della Lupa\u201d e che avr\u00ecsa vur\u00ecd dv\u00e8nt\u00e8 Bal\u00ecla an cap\u00ecv p\u00f6 gn\u00e9nt. Am ric\u00f4rd e par\u00f2l ad me p\u00e8r, vard\u00e0nd f\u00f6ra da ra p\u00f4rta: \u00abgr\u00e0mi fi\u00f6 i s\u2019n\u2019inc\u00f4r\u015bar\u00e0n e n\u00fcn l\u2019ist\u00e8s!\u00bb.<\/p>\n\n\n\n

Chil par\u00f2l ch\u00e9 i h\u00f4 cap\u00ecd pr\u00e8st dif\u00e0ti, on giuvn\u00f2t ch\u2019u s\u00fcgh\u00e8va s\u00e9mpar c\u00f3\u2019 me qu\u00e0nd l\u2019\u00e9ra ent a b\u00fct\u00e8ga ad m\u00e9 \u015b\u00ecu, d\u00f2p pochi m\u00e8i\u015b ch\u2019a l\u2019\u00e9ra part\u00ecd p\u2019r ar suld\u00e8 l\u2019\u00e9ra st\u00e0t mas\u00e8. Us ciam\u00e8va Enrico Uccelli. Qu\u00e0nd l\u2019h\u00f4 sav\u00ecd am s\u00f4n m\u00ecs a pi\u00e0n\u015b e h\u00f4 capid s\u00fcbit cm\u2019a l\u2019\u00e9ra ra gu\u00e8ra: an gh\u2019\u00e8va gn\u00e0nca se\u015b\u2019\u00e0n e a s\u2019\u00e9ra \u015bam\u00f2 gn\u00ecd gr\u00e0nd.<\/p>\n\n\n\n

N\u00fcn fi\u00f6 d\u00fcr\u00e0nt ra gu\u00e8ra<\/p>\n\n\n\n

Encmens\u00f9ma a d\u00ec che qu\u00e0nd l\u2019\u00e8 scupi\u00e8 ra gu\u00e8ra me a gh\u2019\u00e8va sinqu\u2019\u00e0n e a s\u00e9\u015b \u00e0n s\u2019\u00e9ra on \u201cfiglio della lupa\u201d, ma am sar\u00ecsa pia\u015b\u00ecd dvent\u00e8 on \u201c Balilla\u201d parch\u00e8 d\u00f2p a quat\u014drd\u015b\u2019\u00e0n avr\u00ecsa pud\u00ecd dvent\u00e8 \u201cavanguardista\u201d ed al\u00f9ra i t\u2019avr\u00ecsa d\u00e0t u musch\u00e8t par marc\u00e8 ent i sab\u00e0t fascista. Bal\u00ecla as gn\u00ecva a n\u00f6v\u2019\u00e0n, ma ent c\u00f9l mum\u00e9nt l\u00e9 m\u2019\u00e9ra b\u00e8le scap\u00e8 ra v\u00f6ia, par v\u00eca d\u2019 ona ps\u00e9 ent ar c\u00fc ch\u2019u m\u2019\u00e8va d\u00e0t, a on sab\u00e0t fascista, on avanguardista. S\u2019\u00e8ra and\u00e0t a l\u2019adun\u00e0ta con de sch\u00e8rp mar\u00f2n env\u00e9ci che n\u00e8ig\u014dr. In c\u00e0 m\u00eca as f\u00e8va fad\u00ecga \u00e0nca a cromp\u00e9 e sch\u00e8rp, fig\u00fcr\u00f9msa p\u00f6 se me p\u00e8r u m\u2019avr\u00ecsa pi\u00e8 ar f\u00e8z, ch\u2019a l\u2019\u00e9ra u cap\u00e8l di Balila e a f\u00e0sa ch\u2019a bsugn\u00ecva purt\u00e8 par trav\u00e8rs s\u00f9ra a cam\u00ec\u015ba n\u00e8igra.<\/p>\n\n\n\n

A sc\u00f2la, d\u00f2p che ar m\u00e8istar l\u2019\u00e8va f\u00e0t l\u2019ap\u00e8l, pr\u00ecma da st\u00e8s ent u b\u00e0nch b\u015b\u00f6gn\u00e8va f\u00e8 ar sal\u00fct fascista e v\u00fc\u015b\u00e8 \u00absalute al Duce!\u00bb.<\/p>\n\n\n\n

A mia pr\u00ecma m\u00e8istra l\u2019\u00e8 st\u00e0ta ra Panarone, d\u00f2p en t\u00e8rsa gh\u2019\u00f9m\u2019av\u00ecd ar m\u00e8istar Lombardi: ad l\u00f9 a gh\u2019h\u00f4 s\u00e9mpar av\u00ecd on b\u00e8l ric\u00f4rd e c\u00f3\u2019 l\u00f9 s\u2019\u00e9ra s\u00e9mpar st\u00e0t br\u00e8v a sc\u00f2la.<\/p>\n\n\n\n

Ar fasc\u00ecsmo par n\u00fcn bag\u00e0i par\u00ecva \u00e0nca b\u00e8l parch\u00e8 l\u2019ensgn\u00e8va t\u00e0nti b\u00e8i r\u00f4b, cme marc\u00e8 en pi\u00e0sa san Cul\u00f2mb\u00e0n t\u00fcti en f\u00ecra, t\u00fcti vist\u00ecd ent a st\u00e8sa min\u00e8ra, ut purt\u00e8va a ciap\u00e8 ar s\u00f9 ent ra cul\u00f2nia Car\u00e9nsi: ch\u2019l\u2019\u00e9ra b\u00e8l v\u00e8dna sfil\u00e8, b\u00e8i dr\u00ect cme di suld\u00e8 e ra g\u00e9nt a bat\u00ecva ar m\u00e0n.<\/p>\n\n\n\n

C\u00f3n c\u00f9la id\u00e9a da i\u00e8s di suld\u00e8 dar Duce as cres\u00ecva con l\u2019idea da v\u00e8s \u015bam\u00f2 ad \u00f2m f\u00e0t: un f\u00e8va sent\u00ec di gal\u00e8t.<\/p>\n\n\n\n

D\u00f2p ta lg\u00ecv de par\u00f2l cme \u00abLibro e moschetto fascista perfetto\u00bb,\u00abCredere, obbedire, combattere\u00bb,\u00ab\u00c8 l\u2019aratro che traccia il solco, ma \u00e8 la spada che lo difende\u00bb, e i \u00e9ra \u00e0nca scr\u00ect ens e cupert\u00e9n di quad\u00e8ran da sc\u00f2la; ens\u00f9ma s\u00e8rna t\u00fcti enga\u015bul\u00e8 da sti disc\u00f9rs.<\/p>\n\n\n\n

Ar prubl\u00e9ma l\u2019\u00e9ra che da m\u00e0nm\u00e0n che ra gu\u00e8ra and\u00e8va av\u00e0nti, p\u00fcs\u00e8 as sent\u00ecvna in c\u00e0 de br\u00fct r\u00f4b; en t\u00e0nti fam\u00ecli gh\u2019\u00e9ra di m\u00f3rt, di par\u015bun\u00e9, di disp\u00e8rs e, en g\u00ecr, as sentiva parl\u00e8 m\u00e8 \u00e0nca dar Duce.<\/p>\n\n\n\n

Qu\u00e0nd sent\u00ecv sti br\u00fct r\u00f4b am gn\u00ecva en m\u00e9nt e par\u00f2l ch\u2019l\u2019\u00e8va d\u00ect me p\u00e8r dr\u00e9ra a ch\u00ecl fi\u00f6 ch\u2019i vu\u015b\u00e8va \u00abViva ar duce\u00bb, c\u00f9l d\u00e9 ch\u2019l\u2019\u00e8va dichiar\u00e8 ra gu\u00e8ra a ra Fr\u00e0nsa.<\/p>\n\n\n\n

S\u00e9rna \u015bam\u00f2 ent ar 1943 e qu\u00e0nd a gh\u2019\u00e8 st\u00e0t l\u2019armist\u00ecsi an s\u2019gha cap\u00ecva p\u00f6 gn\u00e9nt: ra gu\u00e8ra a gh\u2019\u00e8va da \u00e8s fin\u00ecda ed env\u00e9ci ar br\u00fct u gh\u2019\u00e8va ancam\u00f2 da riv\u00e8.<\/p>\n\n\n\n

L\u2019\u00e8 st\u00e0t pr\u00f2pi p\u00f4ch t\u00e9mp d\u00f2p a l\u2019armist\u00ecsi che h\u00f4 sent\u00ecd parl\u00e8 ad partigi\u00e0n, ad g\u00e9nt che scap\u00e8va ens i m\u00f2nt par f\u00e8s m\u00eca ciap\u00e8 da i tud\u00e8sch e \u00e0nca di giuvn\u00f2t di n\u00f2star i\u00e9ra and\u00e0t v\u00eca da B\u00f2bi par an duv\u00e8i m\u00eca i\u00e8s ciam\u00e8 in gu\u00e8ra ent i republich\u00ecn. L\u2019eserc\u00ect itali\u00e0n u n\u2019e\u015bist\u00ecva p\u00f6 e sti p\u00f4var suld\u00e8, ad\u00e8s, i gh\u2019\u00e8va \u00e0nca da scap\u00e8 dai tud\u00e8sch.<\/p>\n\n\n\n

\u00c0nca n\u00fcn fi\u00f6 sent\u00ecvna c\u00f9la agitasi\u00f2n ch\u2019 a gh\u2019\u00e9ra en g\u00ecr e a n\u00f2stra fanta\u015bia an f\u00e8va pens\u00e8 de b\u00e0nd che e gh\u2019\u00e8va da dif\u00e9nd B\u00f2bi. Cme \u00e8ram gh\u2019\u00e8vna de fi\u00f2mb che as s\u2019\u00e9rna f\u00e0t f\u00e8 da i fi\u00f6 pus\u00e8 gr\u00e0nd c\u00f3n ar materi\u00e8l ch\u2019a cromp\u00e8vna: da i ami\u015b ad camp\u00e0gna i furch\u00ecn, e camerad\u00e8ri r\u00fct gh\u2019ia d\u00e8va env\u00e8ci Cino Bal\u00e9rini e i curam\u00ecn da u savar\u00ecn Ricu ad Ramp\u00f2n.<\/p>\n\n\n\n

A gh\u2019\u00e9ra ona b\u00e0nda ad fi\u00f6 du Castl\u00e8, on\u2019\u00e8tr\u00e0 ad p\u00f4rta Frang\u00f9la e on\u2019\u00e8tra anc\u00f9ra l\u2019\u00e9ra c\u00f9la ad p\u00f4rta n\u00f6va, d\u00f2nda agh s\u00e9ra m\u00e9 c\u00f3n i am\u00ec\u015b Mally (u fi\u00f6 ad Rampon), Pietrino (u fi\u00f6 ad l\u2019avuch\u00e8t), Luigi e Remo Belag\u00e0mba e \u00e8tar qu\u00e0tar fi\u00f6 cme n\u00fcn che i gn\u00ecva da v\u00eca, ma che i st\u00e8va a B\u00f2bi. A f\u00e8vna \u00e0nca de bat\u00e0li, as camin\u00e8vma adr\u00e9 c\u00f3\u2019 e cerbut\u00e8n che e gh\u2019\u00e8va cme pruiet\u00ecl i pl\u00f2f, di t\u00f2ch ad ch\u00e8rta f\u00e0t s\u00f6 a piri\u00f6 c\u00f3n ens ra p\u00f2nta dra c\u00f2la ad far\u00e9na. Qu\u00e0nd v\u00fcn u gn\u00ecva culp\u00ecd da u pl\u00f2f us consid\u00e8r\u00e8va m\u00f3rt.<\/p>\n\n\n\n

Ma on s\u00e8rtu mum\u00e9nt e r\u00f4b i\u00e8n cambi\u00e8 a B\u00f2bi, l\u2019ar\u00ecv di partigi\u00e0n ch\u2019i vur\u00ecva t\u00e8gn ar pa\u00ec\u015b e d\u00f2p l\u2019ar\u00ecv de Divi\u015bi\u00f2n tud\u00e8sch che il vuriv\u00e0 l\u00f9, f\u00e8va s\u00ec che, ent ra c\u014dnf\u00fc\u015bi\u00f2n, n\u00fcn fi\u00f6 truv\u00e8vma facilm\u00e9nt en g\u00ecr de munisi\u00f2n, de b\u00f2mb a m\u00e0n e \u00e0nca di s\u2019ci\u00f2p. Encmens\u00e8vna a cun\u00f9s i \u00e8ram di suld\u00e8, a da\u015bmont\u00e8 i s\u2019ci\u00f2p par s\u2019ci\u00f2ndia ent e cant\u00e9n, a dr\u00f6v\u00e8 e b\u00f2mb a m\u00e0n par p\u00e8sch\u00e8 i p\u00e8s en Tr\u00e8bia e, \u00e0nca r\u00f2mp i piomb\u00ecn de pal\u00f2tul par tir\u00e8gh f\u00f6ra ra p\u00fcvar. Av f\u00f4 ona confid\u00e9nsa, ra p\u00fcvar de pal\u00f2tul du s\u2019ci\u00f2p en dutasi\u00f2n a u n\u00f2star es\u00e8rcit an serviva da st\u00e8 a c\u00e0 da sc\u00f2la; a par\u00ecva ent ar g\u00fcst, rigul\u00ecsia e l\u2019\u00e9ra cul\u00f9r ad l\u2019arg\u00e9nt; l\u2019\u00e9ra b\u00e0sta a m\u00e8tna d\u00fc gran\u00ecn en tra p\u00e0nsa e at gn\u00ecva ona fr\u00e9va da cav\u00e0l: ar b\u00e8l l\u2019\u00e9ra che ra fr\u00e9va a d\u00fcr\u00e8va p\u00f4ch, on\u2019\u00f9r\u00e8ta e a t\u2019\u00e9ra b\u00e8le pas\u00e8. Ma ad m\u00e8l lav\u00f9 n\u2019\u00f9ma f\u00e0t ad i\u00e9tar cme c\u00f9la v\u00f4ta ch\u2019 \u00e8va truv\u00e8 ent u me curt\u00ecl di prui\u00e8til ad mitraliat\u00ecce da aereo; i\u00e9ra d\u00fc pi\u00f2mb\u00ecn ad pal\u00f2tul traci\u00e0nt (is ciam\u00e8va ads\u00e9 parch\u00e8 t\u2019i vd\u00ecd vul\u00e8 ent l\u2019\u00e8ria), i \u00e8va truv\u00e8 parch\u00e8 B\u00f2bi l\u2019\u00e9ra st\u00e0ta mitrali\u00e8 da qu\u00e0tar aerei ingl\u00e8i\u015b; i h\u00f4 s\u00fcbit pi\u00e8 s\u00f6, s\u00f4n and\u00e0t ent a mia cant\u00e9na e c\u00f3n ona l\u00ecma a gh\u2019h\u00f4 tir\u00e8 f\u00f6ra ra p\u00fcvar d\u00f2p s\u00f4\u2019 camin\u00e8 a ciame u me am\u00ecs Malli, en s\u00e8ma \u00f9ma serch\u00e8 on f\u00f6i ad ch\u00e8rta e on ram\u00ecn b\u00e8l gr\u00f2s e as s\u00f9ma m\u00ecs a f\u00e8 ona gir\u00e0ndula, \u00f9ma m\u00ecs ra p\u00fcvar ent u f\u00f6i, l\u2019\u00f9ma f\u00e0t s\u00f6 a sigar\u00e8ta, gh\u2019\u00f9ma f\u00e0t f\u00e8 di g\u00ecr b\u00e8i str\u00e8t at\u00e0ca a u f\u00ecl ( n\u00fcn sper\u00e8vna ch\u2019as met\u00ecsa a gir\u00e8 cm\u2019ona gir\u00e0ndula) e dra content\u00e8sa \u00f9ma ciam\u00e8 a v\u00e8d \u00e0nca G\u00e9nio, u frad\u00e8l ad Malli; as s\u00f9ma st\u00e9 ens on scar\u00ecn ent ra str\u00e8t dar p\u00f9s e gh\u2019 \u00f9ma d\u00e0t f\u00f6gh a l\u2019emprensipi du f\u00f6i \u2026. s\u00fcbit env\u00e8ci da gir\u00e8 l\u2019ha f\u00e0t ona fiam\u00e8 che a n\u2019ha las\u00e8 \u015bgu\u00e8rs par on p\u00f4 ad t\u00e9mp: a n\u2019\u00e9ra andata b\u00e8n.<\/p>\n\n\n\n

Ma a p\u00fcs\u00e8 gr\u00f2sa l\u2019h\u00f4 f\u00e0ta c\u00f3\u2019 d\u00f9 b\u00f2mb a m\u00e0n tud\u00e8sch ch\u2019a gh\u00e8va s\u2019ciond\u00ecd ent a mia cant\u00e9na; i \u00e8va pi\u00e8 ent u l\u00e8gh ad Barbar\u00ecn,d\u00f2nda a s\u2019\u00e9ra stravach\u00e8 on cami\u00f2n ad munisi\u00f2n di ted\u00e8sch, me c\u00fc\u015bin Giacom\u00ecno ul s\u00e8va b\u00e8n parch\u00e8 l\u00fc u st\u00e8va ent a cantun\u00e9ra e, ads\u00e9 on d\u00e9 ad gi\u00fcn, me e l\u00fc, a s\u2019erna t\u00fcf\u00e8 p\u2019r and\u00e8 a v\u00e8d c\u00f4\u015ba gh\u2019\u00e9ra rest\u00e8 en f\u00f2nd a u l\u00e8gh; me c\u00fc\u015b\u00ecn l\u2019\u00e8va tir\u00e8 f\u00f6ra on b\u00e8l s\u2019ci\u00f2p tud\u00e8sch e me \u00e8va truv\u00e8 d\u00f9 b\u00e8i b\u00f2mb a m\u00e0n antic\u00e0ro. Me c\u00fc\u015b\u00ecn l\u2019\u00e8va s\u00fcbit s\u2019ciond\u00ecd u s\u2019ci\u00f2p s\u00f9ta ra s\u00e0bia e di s\u00e0s ad Tr\u00e8bia e d\u00f2p av\u00e8i m\u00ecs e b\u00f2mb ent on tascap\u00e0n u m\u2019ha purt\u00e8 en bicicl\u00e8ta a c\u00e0 m\u00eca, parch\u00e9 me, qu\u00e0nd i m\u2019\u00e8va purt\u00e8 ra l\u00e8gna da br\u00fc\u015b\u00e8, ent ar m\u00e8tla a p\u00f2st, am s\u2019\u00e9ra f\u00e0t on s\u2019ciond\u00e0re\u015b d\u00f2nda t\u00e8gn e mi r\u00f4b. Ads\u00e9 pas\u00e8va ar t\u00e9mp e am s\u2019\u00e9ra qu\u00e8\u015bi da\u015bm\u00e9ngh\u00e8, qu\u00e0nd me p\u00e8r, on d\u00e9. ent ar mang\u00e8 l\u2019ha d\u00ect a mia m\u00e0ma che l\u2019avr\u00ecs f\u00e0t purt\u00e8 ra l\u00e8gna par l\u2019env\u00e8ran. Al\u00f9ra am s\u00f4\u2019 spavent\u00e9 e s\u00fcbit s\u00f4\u2019 and\u00e0t dad l\u00e0 dar p\u00f2nt v\u00e8c c\u00f3n e b\u00f2mb s\u2019ci\u00f2nd\u00ecd en tona b\u00f9rsa e qu\u00e0nd an sa vd\u00ecva ans\u00fcn en g\u00ecr h\u00f4 tir\u00e8 v\u00eca<\/p>\n\n\n\n

a sic\u00fcr\u00e8sa da ona b\u00f2mba e l\u2019h\u00f4 tr\u00e0ta ent u l\u00e8gh \u2026. ma an l\u2019\u00e8 mia s\u2019ciup\u00e8, sich\u00e8 h\u00f4 tir\u00e8 f\u00f6ra l\u2019\u00e8tra, h\u00f4 f\u00e0t u st\u00e8s lav\u00f9 e l\u2019h\u00f4 tr\u00e0ta ent u st\u00e8s p\u00f2st. Ap\u00e8na l\u2019ha tuch\u00e8 l\u2019\u00e0qua l\u2019\u00e8 s\u2019ciup\u00e8, ma a gh\u2019ha d\u2019av\u00e8i f\u00e0t s\u2019ciup\u00e8 \u00e0nca l\u2019\u00e8tra parch\u00e8 \u00e8 gn\u00ecd s\u00f6 ona cul\u00f2na d\u2019aqua p\u00fcsa \u00e0lta dar p\u00f2nt che ent\u00e0nt u trem\u00e8va t\u00fct. V\u00ecst ra situasi\u00f2n, pra and\u00e8 a c\u00e0, s\u00f4\u2019 pas\u00e8 da Can\u00e8id e h\u00f4 f\u00e0t ar g\u00ecr ad San Mart\u00ecn par f\u00e8m m\u00eca v\u00e8d da ra g\u00e9nt ch\u2019l\u2019\u00e9ra camin\u00e8 ens P\u00f4rt\u2019Ag\u00e0sa par v\u00eca da b\u00f2ta ch\u2019\u00e8va tr\u00e0t e b\u00f2mb.<\/p>\n\n\n\n

Ma c\u00f6nt\u00e8 t\u00fct e r\u00f4b che f\u00e8vna n\u00fcn fi\u00f6 agh vur\u00ecsa ona m\u00fccia ad pagin; gh\u2019\u00e9ra ch\u00ecl ch\u2019 is f\u00e8va i sp\u00f9vrai, ch\u2019l\u2019\u00e9ra ona sp\u00e9cie ad rivult\u00e8la, ad i \u00e8tar is f\u00e8va de b\u00f2mb c\u00f3n ra p\u00fcvar de m\u00e9n, ens\u00f9ma a gh\u2019\u00e8vna cunus\u00e9nsa ad p\u00fcvar, b\u00f2sul, cart\u00f9c e s\u2019at vur\u00ecv i \u00e0nca \u00e8ram es pud\u00ecva tr\u00fcv\u00e8 da i am\u00ec\u015b e dapar\u00fct.<\/p>\n\n\n\n

S\u2019\u00e9rna fi\u00f6, ma s\u2019\u00e9rna cme \u00f2m, s\u00e8vna t\u00fct, ma u tgn\u00ecvna par n\u00fcn parch\u00e8 s\u00e8vna b\u00e8n che parl\u00e8 l\u2019\u00e9ra pericul\u00f9\u015b parch\u00e8 i n\u00f2star genit\u00f9r i pud\u00ecva ris\u2019ci\u00e8 ra v\u00ecta.<\/p>\n\n\n\n

S\u00e8vna ch\u2019i \u00e9ra i partigi\u00e0n, cunus\u00ecvna b\u00e8n \u00e0nca i fascista, ma f\u00e8vna f\u00ecnta ad gn\u00e9nt \u2026 vard\u00e8vna e st\u00e8vna m\u00fct \u2026 e ads\u00e8 cap\u00ecvma t\u00e0nti r\u00f4b \u2026.s\u2019\u00e9rma fi\u00f6, ma s\u2019\u00e9rma cme \u00f2m.<\/p>\n\n\n\n

U l\u00e8gh ad Menegh\u00e8ti<\/p>\n\n\n\n

U l\u00e8gh ad Menegh\u00e8ti s\u2019\u00e9ra furm\u00e8 en f\u00f2nd a u ri Fu\u00ecn e u part\u00ecva da on canar\u00f2n che gn\u00e9nd \u015b\u00f6 da u l\u00e8gh ad Valgr\u00e9na e tai\u00e0nd par trav\u00e8rs ra Tr\u00e8bia l\u2019and\u00e8va a \u015bb\u00e0t contra e r\u00f2c che is truv\u00e8va s\u00f9ta ra str\u00e8 che p\u00f4rta a l\u2019\u00e0qua sale. U l\u00e8gh u part\u00ecva da u canar\u00f2n e riv\u00e8va p\u00f4ch distant da d\u00f2nda fin\u00ecva ra str\u00e8 ent u ri Fu\u00ecn. U sar\u00e0 st\u00e0t l\u00f2ngh 200 m\u00e8tar.<\/p>\n\n\n\n

S\u2019\u00e9rna en t\u00e9mp ad gu\u00e8ra e Gino Imelio ch\u2019a l\u2019\u00e9ra on bers\u00e0li\u00e8 un f\u00e8va empar\u00e8 a t\u00fcf\u00e8s c\u00f3n ona ped\u00e8na elast\u00ecca m\u00ecsa t\u00e0ca u l\u00e8gh. Qu\u00e8\u015bi t\u00fcti i fi\u00f6 ad B\u00f2bi i andava l\u00e9, parch\u00e9 l\u00e8 gh\u2019and\u00e8va si\u00f9r Andr\u00e9a e u f\u00e8va empar\u00e8 a n\u00fcd\u00e8. Il ciam\u00e8va \u201cBal\u00e9na\u201d m\u00eca parch\u00e8 l\u2019\u00e9ra gr\u00e0s, ma parch\u00e8 qu\u00e0nd u purt\u00e8va n\u00fcn fi\u00f6 en m\u00e8\u015b a u l\u00e8gh, par vard\u00e8n t\u00fcti, l\u00fc u n\u00fcd\u00e8va da m\u00f3rt e ent\u00e0nt ch\u2019u n\u00fcd\u00e8va u \u015bbrenci\u00e8va f\u00f6ra l\u2019\u00e0qua da ra b\u00f9ca da par\u00e8i pr\u00f2pi ona bal\u00e9na c\u00f3n ent\u00f9ran i s\u00f2 balen\u00f2ter.<\/p>\n\n\n\n

L\u00e9 v\u015b\u00ecn gh\u2019\u00e9ra \u00e0nca l\u2019\u00e0qua sal\u00e8 e n\u00fcn fi\u00f6 as div\u00e8rt\u00ecvna a empast\u00e8 ra t\u00e8ra c\u00f3n ra s\u00e0bia, ch\u2019a gh\u2019\u00e9ra v\u015b\u00ecn u l\u00e8gh, par f\u00e8 de p\u00ecst b\u00e8i e l\u00f2ngh par \u015b\u00fcgh\u00e8 c\u00f3\u2019 e bal\u00e9n. On \u00e8t\u014dr divertim\u00e9nt l\u2019\u00e9ra c\u00f9l da f\u00e8 de bat\u00e0li tra n\u00fcn fi\u00f6 dr\u00f6v\u00e0nd ra m\u00e8ta ch\u2019 a gh\u2019\u00e9ra l\u00e9 t\u00e0ca a l\u2019\u00e0qua sal\u00e8. Dar v\u00f4t n\u00fcn bag\u00e0i as divert\u00ecvna a tach\u00e8 l\u00ect c\u00f3n i giuvn\u00f2t ch\u2019a i\u00e9ra l\u00e9 ens\u00e8ma a n\u00fcn ed al\u00f9ra l\u2019\u00e9ra ra l\u00f2ta di fi\u00f6 c\u00f2ntra i \u201cstant\u00ecd\u201d; qu\u00e0nd i stand\u00ecd i branch\u00e8va on fi\u00f6 igh f\u00e8va ona \u201cmongul\u00e8da\u201d che vur\u00ecva d\u00ec ch\u2019it ciap\u00e8va e it quarci\u00e8va ad m\u00e8ta fr\u00e8sca e d\u00f2p it f\u00e8va sch\u00e8 s\u00f9ta ar s\u00f9; sulm\u00e9nt qu\u00e0nd l\u2019\u00e9ra b\u00e8la s\u00e8ca it las\u00e8va f\u00e8 u b\u00e0gn.<\/p>\n\n\n\n

On f\u00e0t rid\u00eccul ch\u2019am ric\u00f4rd l\u2019\u00e8 qu\u00e0nd ens i tr\u00ec c\u00e8s\u00ec ch\u2019a gh \u00e9ra v\u015b\u00ecn a l\u2019\u00e0qua sal\u00e8 qu\u00e8iched\u00fcn u gh\u00e8va scr\u00ect \u00abPer il Duce e per il Fascio qui la faccio e qui la lascio! W il Duce!\u00bb. Ar d\u00e9 d\u00f2p a l\u2019\u00e9ra b\u00e8le t\u00fct scancel\u00e8. Ma d\u00f2p p\u00f4chi d\u00e9 i gh\u2019\u00e8va ancam\u00f2 scr\u00ect: \u00abPer il Duce e per il Fascio qui la faccio e qui la lascio e per fare un due e tr\u00e9 la faccio anche per il re!\u00bb. Ad c\u00f9la scr\u00ecta l\u00e9 ne parl\u00e8va t\u00fct B\u00f2bi; i pus\u00e8 i rid\u00ecva, ma gh\u2019\u00e9ra \u00e0nca ch\u00ecl ch\u2019is rabi\u00e8va: ch\u00ecsti ch\u00e9 i purt\u00e8va t\u00fcti a cam\u00ec\u015ba n\u00e8igra.<\/p>\n\n\n\n

On\u2019\u00e8tar f\u00e0t ch\u2019i c\u00f6nt\u00e8va a l\u2019\u00e9ra che a Mil\u00e0n i \u00e8va enaug\u00fcre ona via c\u00f3\u2019r n\u00f9m du fi\u00f6 ad M\u00f9sol\u00ecni, ma ar d\u00e9 d\u00f2p s\u00f9ta \u00abvia Vittorio Mussolini\u00bb, i gh\u2019\u00e8va scr\u00ect \u00abvia anche suo padre!\u00bb.<\/p>\n\n\n\n

Ent\u00e0nt per\u00f2 che n\u00fcn fi\u00f6 as div\u00e8rt\u00ecvma, ra gu\u00e8ra a par\u00ecva ancam\u00f2 lont\u00e8na, \u00e0nca se qu\u00e8iche m\u00f3rt e qu\u00e8iche disp\u00e8rs u gh\u2019\u00e9ra \u015bam\u00f2 st\u00e0t.<\/p>\n\n\n\n

L\u2019Armist\u00ecsi (8 settembre 1943)<\/p>\n\n\n\n

L\u2019\u00e9ra v\u00e8rs s\u00ecra e p\u2019r e str\u00e8 ad B\u00f2bi sa vd\u00ecva on s\u00e8rt muvim\u00e9nt, \u00ab\u00e8t sent\u00ecd, sar\u00e0 v\u00e8ira?\u00bb, \u00abma chi l\u2019ha d\u00ect?\u00bb, \u00abla r\u00e0dio!\u00bb, \u00abma \u00e9t sic\u00fcr?\u00bb \u2026 l\u2019\u00e9ra on p\u00e0sa par\u00f2la, ma ans\u00fcn vur\u00ecva vu\u015b\u00e8l. A ra s\u00ecra s\u00e9rna and\u00e0t a durm\u00ec t\u00fcti cont\u00e9nt sper\u00e0nd ch\u2019a f\u00ecsa pr\u00f2pi v\u00e8ira e spit\u00e0nd ar l\u2019endm\u00e0n. A ra mat\u00e9na d\u00f2p dif\u00e0ti di manif\u00e8st i \u00e9ra stat m\u00ecs ens i m\u00fcr, m\u2019ne ric\u00f4rd \u00fcn ens ar m\u00fcr \u2018d ra Madun\u00e9na e d\u00fc ens ar m\u00fcr ad l\u2019uspid\u00e8l, d\u00f2p agh n\u2019\u00e9ra en P\u00f4rta N\u00f6va e ens i cant\u00f2n ad pi\u00e0sa dar Dom e t\u00fcti i \u00e9ra cont\u00e9nt. Par\u00ecva finid\u00e0 par da b\u00f2n, ma env\u00e8ci , a l\u2019empruv\u00ec\u015ba l\u2019\u00e8 salt\u00e8 f\u00f6ra on suld\u00e8 tud\u00e8sch da s\u00f9ta i portagh ad pi\u00e0sa dar Dom e u s\u2019\u00e8 m\u00ecs a vu\u015b\u00e8 \u00abraus, raus! \u00bb \u00abv\u00eca, v\u00eca! \u00bb e spar\u00e0nd a p\u2019r\u2019\u00e8ria u gh\u2019\u00e0 f\u00e0t scap\u00e8 en c\u00e0. U p\u00fcs\u00e8 br\u00fct par n\u00fcn u gh\u2019\u00e8va ancam\u00f2 da riv\u00e8: ra gu\u00e8ra an l\u2019\u00e9ra m\u00eca fin\u00ecda agh vur\u2019r\u00e0 ancam\u00f2 d\u00fc b\u00e8i \u00e0n ad pag\u00fcr e ad dul\u00f9r!<\/p>\n\n\n\n

A pr\u00ecma v\u00f4ta ch\u2019h\u00f4 v\u00ecst on partigi\u00e0n<\/p>\n\n\n\n

L\u2019\u00e9ra ar d\u00e9 di S\u00e0nt e m\u00e9 e mia m\u00e0ma s\u00e8rna dr\u00e9ra and\u00e8 ar cimit\u00e9ri a f\u00e8 v\u00ec\u015bita a i m\u00f3rt. Ona giurn\u00e9 d\u2019aut\u00fcn c\u00f3n ar su ch\u2019u scald\u00e8va ancam\u00f2 c\u00f9l t\u00e0nt da f\u00e8t t\u00e8gn u giub\u00f2t en m\u00e0n. L\u00e8 da u s\u00e0lt ad Pat\u00e0ca am s\u2019\u00e9ra ferm\u00e8 per pi\u00e8 s\u00f6, da on t\u00f9sch, di b\u00e8i r\u00e0m ad f\u00f6i r\u00f9s. S\u2019and\u00e8va d\u00e8\u015bi d\u00e8\u015bi vard\u00e0ndas en g\u00ecr qu\u00e0nd, ad b\u00f2t, ent a c\u00fcrva dar cimit\u00e9ri, a s\u00e0lta f\u00f6ra on giuvn\u00f2t, c\u00f3n a cartuci\u00e9ra dat\u00f9ran a ra vit\u00e0 e on st\u00e8n en m\u00e0n. U s\u2019\u00e8 tr\u00e0t \u015b\u00f6 par Tr\u00e8bia, gir\u00e0nd ra f\u00e0cia da on\u2019\u00e8tra p\u00e8rt,cme scap\u00e0nd. L\u2019\u00f9ma v\u00ecst d\u00f2p ch\u2019us rampigh\u00e8va ens i m\u00f2nt s\u00f9ra ra Cul\u00f2nia Carenzi. Me e a mia m\u00e0ma as s\u00f9ma vard\u00e8 ent ra f\u00e0cia e as\u00e8ma as s\u00f9ma d\u00ect u sar\u00e0 \u00abon partigi\u00e0n!\u00bb<\/p>\n\n\n\n

On aereo us tr\u00e0 en Tr\u00e8bia<\/p>\n\n\n\n

L\u2019\u00e9ra ona giurn\u00e8 d\u2019aut\u00fcn, ar ci\u00e9l l\u2019\u00e9ra sr\u00e8n e s\u00f9ra ra Tr\u00e8bi\u00e0 gh\u2019\u00e8ra c\u00f9la n\u00e8bia ch\u2019a v\u00e8gna \u015b\u00f6 d\u00f2p t\u00e0nti d\u00e9 ch\u2019a pi\u00f6va. L\u2019aqua dra Tr\u00e8bia a \u015bbat\u00ecva c\u00f3n f\u00f4rsa e s\u00f9 \u00f2nd c\u00f2ntra i pil\u00f2n dar p\u00f2nt v\u00e8c e ar rum\u00f9r u sa slargh\u00e8va en t\u00fcta ra v\u00e0l.<\/p>\n\n\n\n

On b\u00e8l moment on aereo u salta f\u00f6ra da dr\u00e9ra Car\u00e9na e, b\u00e8l, gr\u00f2s, b\u00e0s u p\u00e0sa s\u00f9ra ar p\u00f2nt \u2026.\u00ab l\u2019\u00e8 p\u00fcs\u00e8 b\u00e0s ad l\u2019\u00c9rta \u2026u v\u00f6 gn\u00ec \u015b\u00f6 \u2026 u sa sb\u00e0sa ancam\u00f2 \u2026.l\u2019\u00e8 par t\u00e8ra \u2026. u remb\u00e0lsa \u2026 as gh\u2019\u00e8 r\u00f9t ra c\u00f9a \u2026. Us f\u00e8rma \u2026. e l\u2019\u00e8 b\u00e8le l\u00e9 ent l\u2019aqua \u2026..\u00bb.<\/p>\n\n\n\n

Dif\u00e0ti on aereo tud\u00e8sch u s\u2019\u00e8 guast\u00e8 e l\u2019\u00e9ra stat custr\u00e8t a gn\u00ec \u015b\u00f6 e tr\u00e8 ent l\u00ecaqua.<\/p>\n\n\n\n

S\u00fcbit da B\u00f2bi, d\u00f2nda a gh\u2019\u00e9ra ona division ted\u00e8sca i\u00e8n part\u00ecd i suc\u00f9rs con ona camiun\u00e8ta ad suld\u00e8 e con ona autobul\u00e0nsa. \u00c0nca n\u00fcn fi\u00f6, cari\u00f9\u015b, as s\u00f9ma m\u00eci a camin\u00e8 par rive ens ar p\u00f2st. Qu\u00e0nd agh s\u00f9ma rive gh\u2019\u00e9ra on \u00f2m ad B\u00f2bi c\u00f3n ona c\u00f4rda ligh\u00e8 a ra vita ch\u2019u s\u2019\u00e8ra tr\u00e0t ent l\u2019aqua par riv\u00e8 a v\u00e8d cm\u2019a st\u00e8va l\u2019aviat\u00f9r, ra c\u00f4rda l\u2019\u00e9ra tgn\u00ecda str\u00e8ta da di suld\u00e8 ted\u00e8sch. C\u00f3n fad\u00ecga l\u2019aviat\u00f9r l\u2019\u00e8 salt\u00e8 f\u00f6ra da a carl\u00ecnga e u s\u2019\u00e8 las\u00e8 casch\u00e8 ent i bras l\u2019\u00f2m ligh\u00e8 con ra c\u00f4rda. S\u00fcbit ad i \u00e8tar suld\u00e8 i\u00e8n salt\u00e8 ent l\u2019aqua ens\u00e8ma, t\u00fcti bagn\u00e8 e c\u00f3\u2019 l\u2019ai\u00fct ad ra c\u00f4rda, i han tir\u00e8 ens sa g\u00e8ra st\u00f9 gram aviat\u00f9r. Par fort\u00fcna che l\u2019aereo l\u2019\u00e9ra fin\u00ect ent on canar\u00f2n d\u00f2nda gh\u2019\u00e9ra curent, ma l\u2019aqua l\u2019\u00e9ra p\u00f6 b\u00e0sa.<\/p>\n\n\n\n

Ent i d\u00e9 d\u00f2p, l\u2019aero l\u2019\u00e8 stat da\u015bmont\u00e8 t\u00f2ch, par t\u00f2ch.T\u00fcti i vur\u00ecva purt\u00e8sna a c\u00e0 on tuct\u00ecn par ric\u00f4rd. N\u00fcn fi\u00f6 s\u00e9rna s\u00e9mpar l\u00e9 e qu\u00e0nd l\u2019aqua a s\u2019\u00e8 ritir\u00e8 an na pia\u015b\u00ecva pi\u00e8 di tuch\u00e8t ad cauci\u00f9 da a carl\u00ecnga parch\u00e8 i br\u00fc\u015b\u00e8va ad\u00e8\u015bi, ad\u00e8\u015bi. Parch\u00e9 pr\u00f2pi ch\u00ecl t\u00f2ch l\u00e9? Parch\u00e8 s\u00e9rna fi\u00f6.<\/p>\n\n\n\n

On b\u014dmbardam\u00e9nt ens a Tr\u00e8bia<\/p>\n\n\n\n

L\u2019\u00e9ra ona b\u00e8la giurn\u00e9 dra f\u00ecn ad l\u2019ist\u00e8 e par f\u00e8 pas\u00e8 on dopm\u00e8\u015bd\u00e9 on p\u00f4 div\u00e8rs, me e mia c\u00fc\u015b\u00e9na Ter\u00e9\u015ba \u00f9ma dec\u00ec\u015b da purt\u00e8 f\u00f6ra a sua cr\u00e8va a mang\u00e8 en Tr\u00e8bia. Solitam\u00e9nt m\u00e9 \u015biu Scardov\u00e8li u st\u00e8va a Barbar\u00ecn, ent a c\u00e0 cantun\u00e9ra e u f\u00e8va ar cantun\u00e8 ad mist\u00e9, ma u s\u2019\u00e9ra trasfer\u00ecd a B\u00f2bi, par pud\u00e8i v\u00ecv p\u00fcse sic\u00fcr en m\u00e8\u015b a ra g\u00e9nt. A Barbar\u00ecn i \u00e9ra custr\u00e8t a st\u00e8 da par lu.<\/p>\n\n\n\n

C\u00f9l d\u00e9 l\u00e9, ens ra g\u00e8ra \u2018d ra Tr\u00e8bia gh\u2019\u00f9ma tr\u00f9v\u00e8 \u00e0nca Roberto e a b\u00e8lia ad Gil\u00ecn.<\/p>\n\n\n\n

Roberto l\u2019\u00e9ra gn\u00ecd a purt\u00e8 e s\u00f9 qu\u00e0tar \u00f4ch, env\u00e9ci a b\u00e8lia l\u2019\u00e9ra dr\u00e9ra f\u00e8 i gur\u00ecn.<\/p>\n\n\n\n

S\u00e9rna t\u00fcti st\u00e8 en m\u00e8\u015b a de b\u00e8i g\u00f9r, i \u00f4ch e n\u00fcd\u00e8va tanqu\u00ecl ent u can\u00e8 ch\u2019u pas\u00e8va s\u00f9ta l\u2019\u00f3rt ad Tramb\u00e0l ent\u00e0nt che mia c\u00fc\u015b\u00e9na Ter\u00e9\u015ba c\u1f40n l\u2019\u00e9tra fi\u00f6ra e pl\u00e8va i gur\u00ecn.<\/p>\n\n\n\n

Ent\u00e0nt schers\u00e8vna cm\u2019i fa ad s\u00f2lit i fi\u00f6 \u2026 a on s\u00e9rt mum\u00e9nt \u00f9ma sent\u00ecd riv\u00e8 di quadrimut\u00f9r ch\u2019i gn\u00ecva endr\u00e9 da qu\u00e8iche bombardam\u00e9nt (f\u00f4rsi da Mil\u00e0n); i vul\u00e8va en furmasion, qu\u00e0tar dav\u00e0nti e qu\u00e0tar da dr\u00e9ra; n\u00fcn ch\u2019a st\u00e8vna c\u00f3n u n\u00e8\u015b a p\u2019r \u00e8ria, c\u00f3n merav\u00eclia, \u00f9ma v\u00ecst on a\u00e9reo rest\u00e8 p\u00fcs\u00e8 endr\u00e9ra da sua furmasi\u00f2n, sbas\u00e8s on p\u00f4, e p\u00e9na p\u00e9na d\u00f2p \u00f9m sent\u00ecd qu\u00e8icosa ch\u2019a fis\u2019sc\u00e8va e ch\u2019a gn\u00ecv \u015b\u00f6 \u2026. on at\u00ecm e s\u2019\u00e8 v\u00ecst ona cul\u00f2na ad s\u00e0s vul\u00e8 en \u00e0lt e, ent u st\u00e8s mum\u00e9nt \u00f4ch, cr\u00e8va e n\u00fcn s\u00f9ma ciuch\u00e8 par t\u00e8ra. Ona gr\u00e0n b\u00f2ta e on gr\u00e0n spav\u00e9nt.<\/p>\n\n\n\n

Qu\u00e0nd t\u00fcti as s\u00f9m v\u00ecd ripi\u00e8 da ra sp\u00e0vent, \u00f9ma dec\u00ec\u015b s\u00e9nsa gn\u00e0nca parl\u00e8s da turn\u00e8 endr\u00e9ra v\u00e8rs c\u00e0: i \u00f4ch dav\u00e0nti e n\u00fcn en f\u00ecra as s\u00f9ma enav\u00ec\u00e8 p\u2019r u sent\u00e9 ch\u2019u p\u00f4rta a B\u00f2bi, s\u00e9nsa par\u00f2l.<\/p>\n\n\n\n

\u00c0nca n\u00fcn, s\u00e9nsa d\u00e0n e ent qu\u00e8iche man\u00e9ra s\u00e9rna st\u00e0t s\u00f9ta ad on bombardam\u00e9nt.<\/p>\n\n\n\n

I part\u00ecgi\u00e0n i t\u00e0ca B\u00f2bi.<\/p>\n\n\n\n

S\u00e9rna en env\u00e8ran, l\u2019\u00e9ra ona giurn\u00e8 gr\u00ecsa e \u00fcmida e me p\u00e8r u s\u2019\u00e9ra alv\u00e8 p\u00fcs\u00e8 pr\u00e8stu dar s\u00f2lits. U gh\u2019\u00e8va on prubl\u00e9ma: ra s\u00ecra pr\u00ecma l\u2019\u00e8va sav\u00ecd che i partigi\u00e0n i avr\u00ecsa tach\u00e8 B\u00f2bi. Me p\u00e8r us truv\u00e8va ent ona br\u00fcta situasi\u00f2n; u sa d\u015b\u00ecva: se an v\u00f6 m\u00eca a dr\u00e8v ra b\u00fct\u00e8ga magh\u00e9ri i p\u00e9nsa ch\u2019a s\u2019\u00e8ra al cur\u00e9nt ad l\u2019at\u00e0ch, se env\u00e9ci a gh\u2019 v\u00f6 r\u00ecs\u2019c da truv\u00e8m en m\u00e8\u015b a l\u2019at\u00e0ch di partigi\u00e0n. Ra b\u00fct\u00e8ga ad m\u00e8 p\u00e8r, dif\u00e0ti, l\u2019\u00e8ra qu\u00e8\u015bi tach\u00e8 a l\u2019alb\u00e8rgh Bar\u00f2n d\u00f2nda gh\u2019\u00e9ra ar cum\u00e0nd di republich\u00ecn. D\u00f2p av\u00e8i parl\u00e8 c\u00f3\u2019 m\u00e9 m\u00e8r u s\u2019 \u00e8 dec\u00ec\u015b e l\u2019\u00e8 and\u00e0t a dr\u00e8v ar neg\u00f2si.<\/p>\n\n\n\n

Pas\u00e8 qu\u00e8iche \u00f9ra, a s\u2019\u00e8 sent\u00ecd e pr\u00ecm r\u00e0fich di m\u00ectra: l\u2019at\u00e0ch l\u2019\u00e9ra cmens\u00e8. I partigi\u00e0n, cme l\u2019\u00e8va prev\u00ecst me p\u00e8r, i spar\u00e8va ad\u00f2s a e vidr\u00e9n dar Bar\u00f2n; on gr\u00fcp u spar\u00e8va da pi\u00e0sa dar D\u00f2m e on \u00e8t\u014dr gr\u00fcp da ra p\u00e8rt ad San Frans\u00e8sch.<\/p>\n\n\n\n

Da c\u00e0 n\u00f2stra as sent\u00ecva cant\u00e8 e mitr\u00e0li e i sp\u00e8r i continu\u00e8va s\u00e9nsa f\u00e8rm\u00e8s. L\u2019url\u00f2g u sgn\u00e8va \u015bam\u00f2 quatr\u2019\u00f9r. A on s\u00e8rtu mum\u00e9nt um\u00e0 s\u00e9ntid ar rum\u00f9r da marl\u00e8ta du purt\u00f2n \u2026.. \u00f9ma ta\u015b\u00ecd par sent\u00ec m\u00e8i \u2026. qu\u0119iched\u00fcn u gn\u00ecva s\u00f6 par e sch\u00e8r \u2026.. qu\u00e0nd s\u2019\u00e8 drev\u00e8rt ra p\u00f4rta \u2026\u00f9ma v\u00ecst ch\u2019l\u2019\u00e9ra me p\u00e8r, c\u00f3\u2019 n\u00f2stra gr\u00e0n sudisfasi\u00f2n.<\/p>\n\n\n\n

M\u00e8 p\u00e8r, a on s\u00e8rt mum\u00e9nt, ads\u00e9 u d\u015b\u00ecva, sav\u00e9nd che n\u00fcn a st\u00e8vna en pensi\u00e9r par l\u00fc, l\u2019\u00e8 gn\u00ecd f\u00f6ra dar neg\u00f2si da ra p\u00f4rta che d\u00e8va v\u00e8rs l\u2019\u00f4rt ad San Culomb\u00e0n, l\u2019ha salt\u00e8 ar m\u00fcr, l\u2019\u00e8 pas\u00e8 d\u00e9nt\u014dr e l\u2019\u00e8 gn\u00ecd f\u00f6ra ent a str\u00e8ta di Parv\u00e9; da l\u00e9, ent on mum\u00e9nt ch\u2019in spar\u00e8va m\u00eca, u s\u2019\u00e8 tr\u00e0t ent u n\u00f2star purt\u00f2n ch\u2019a l\u2019\u00e9ra pr\u00f2pi ad fr\u00f2nt a ra str\u00e8ta.<\/p>\n\n\n\n

C\u00f9la v\u00f4ta l\u00e9, per\u00f2, i partigi\u00e0n d\u00f2p av\u00e8i spar\u00e8 par t\u00fct ar d\u00e9 i\u00e8n st\u00e0t custr\u00e8t a ritir\u00e8s e scap\u00e8 ens e mont\u00e0gn.<\/p>\n\n\n\n

L\u2019 Istri\u00e0n u t\u00e0ca B\u00f2bi<\/p>\n\n\n\n

Me p\u00e8r u f\u00e8va ar barb\u00e8 e, ent\u2019a sua b\u00fct\u00e9ga agh pas\u00e8va t\u00e0nti \u00f2m, l\u2019\u00e9ra gn\u00ecd a sav\u00e8i che l\u2019Istri\u00e0n, ch\u2019a l\u2019\u00e9ra on c\u00e0p partigi\u00e0n, l\u2019avr\u00ecsa tach\u00e8 B\u00f2bi c\u00f3n i s\u00f2 \u00f2m. A ra s\u00ecra u m\u2019l\u2019h\u00e0 d\u00ect s\u00fcbit e u m\u2019h\u00e0 \u00e0nca racumand\u00e8 da and\u00e8 mi\u00e0 tr\u00f2p f\u00f6ra dar pa\u00ec\u015b e da st\u00e8 at\u00e9nta. Ar d\u00e9 d\u00f2p h\u00f4 av\u00ec\u015b\u00e8 ad i am\u00ec\u015b, da m\u00eca b\u00e0nda, n\u2019\u00f9ma parl\u00e8 sulam\u00e9nt tra n\u00fcn e ra\u015bun\u00e0nd, as s\u00f9ma m\u00ecs ent ra t\u00e8sta da i\u00fct\u00e8ia. Pens\u00e0nd ch\u2019\u00e8 i partigi\u00e0n i sar\u00ecsa gn\u00ecd \u015b\u00f6 da l\u2019\u00c9rta, truv\u00e8vma gi\u00fcst and\u00e8 ens ra g\u00e8ra at Tr\u00e8bia e l\u00e8 f\u00e8 di rip\u00e8r ad s\u00e0s on tant\u00ecn \u00e0lt da d\u00f2nda i avr\u00ecsa pud\u00ecd ripar\u00e8s par spar\u00e8. Parch\u00e9 pr\u00f2pi l\u00e9? Parch\u00e8, en P\u00f4rt\u2019Ag\u00e0sa, pr\u00f2pi pr\u00ecma d\u2019a dis\u00e8i\u015ba p\u2019r and\u00e8 ens ar p\u00f2nt, gh\u2019\u00e9ra pias\u00e8 ona mitr\u00e0lia. Ent\u00e0nt ch\u2019a f\u00e8vna st\u00e9 trincee, n\u2019\u00f9ma f\u00e0t b\u00e8n qu\u00e0tar, as f\u00e8va f\u00ecnta da \u015b\u00fcgh\u00e8, \u00e0nca se a gh\u2019\u00e8vna pag\u00fcra chi na spar\u00ecsa dr\u00e9ra, parch\u00e8 da c\u00f9la p\u00f9stasi\u00f2n l\u00e0 a sa vd\u00ecva t\u00fct.<\/p>\n\n\n\n

D\u00f2p d\u00fc d\u00e8 i partigi\u00e0n i han tach\u00e8 B\u00f2bi, par tr\u00e8 via i bersali\u00e8 dra mil\u00ecsia, ma l\u2019\u00e8 st\u00e0t on disast\u00e0r par i \u00f2m ad l\u2019Istri\u00e0n, parch\u00e8 i gh\u2019han av\u00ecd di m\u00f3rt e di par\u015bun\u00e9.<\/p>\n\n\n\n

A M\u015b\u00e0n gh\u2019\u00e9ra i ted\u00e8sch e cm\u2019i han sent\u00ecd spar\u00e8 i\u00e8n gn\u00ecd s\u00f6 en ai\u00fct ch\u00ecl ad B\u00f2bi e i partigi\u00e0n i\u00e8n duv\u00ecd scap\u00e8.<\/p>\n\n\n\n

I ted\u00e8sch i \u00e8va f\u00e0t \u00e0nca d\u00fc par\u015bun\u00e9, d\u00fc fi\u00f6, ens ona vent\u00e9na : i\u00e8n st\u00e0t enterugh\u00e8 e s\u00fcbit fu\u015bil\u00e8. Ra fu\u015bilasi\u00f2n l\u2019\u00e8 st\u00e0ta f\u00e0ta en San Frans\u00e8sch.<\/p>\n\n\n\n

Ona bat\u00e0lia a\u00e9rea s\u00f9ra ar P\u00f2nt V\u00e8c<\/p>\n\n\n\n

L\u2019\u00e8ra ona b\u00e8la giurn\u00e9, ad chil d\u00e9, che l\u2019\u00e8ria l\u2019\u00e8 ci\u00e8ra e en ci\u00e9l an gh\u2019\u00e8 m\u00eca ona n\u00fcvra. S\u2019\u00e9ra ens p\u00f4rt\u2019Ag\u00e0sa e on b\u00e8l mom\u00e9nt h\u00f4 sent\u00ecd di rum\u00f9r ad riupl\u00e0n che i vul\u00e8va a b\u00f2ta b\u00e0s, am s\u00f4\u2019 gir\u00e8 e da s\u00f9ra B\u00f2bi i h\u00f4 v\u00ecst sp\u00f4t\u00e8 qu\u00e8\u015bi, v\u00fcn a s\u00f9ra e l\u2019\u00e8tar da dr\u00e9, i s\u2019als\u00e8va dr\u00ect v\u00e8rs ar ci\u00e9l: is camin\u00e8va adr\u00e9ra.<\/p>\n\n\n\n

T\u00fct d\u2019on b\u00f2t da v\u00fcn v\u00e8gna f\u00f6ra d\u00fc r\u00f4b, v\u00fcn n\u00e8ig\u014dr e l\u2019\u00e9t\u014dr bianch; c\u00f9l af\u00e8ri n\u00e8ig\u014dr l\u2019\u00e8 gn\u00ecd \u015b\u00f6 dr\u00ect v\u00e8rs ra Tr\u00e8bia, l\u2019\u00e8t\u014dr u s\u2019\u00e8 cme \u015blargh\u00e8: a l\u2019\u00e9ra on paracadut c\u1f40n at\u00e0ca on \u00f2m.<\/p>\n\n\n\n

Di d\u00fc a\u00e9rei v\u00fcn l\u2019\u00e8 sparid s\u00f9ra l\u2019\u00c9rta e agh gn\u00ecva f\u00f6ra on f\u00ecl ad f\u00fcm, l\u2019\u00e8t\u014dr env\u00e8ci l\u2019\u00e8 spar\u00ecd v\u00e8rs G\u00e8nva.<\/p>\n\n\n\n

L\u2019af\u00e8ri n\u00e8ig\u014dr, s\u2019\u00e8 sav\u00ecd d\u00f2p ch\u2019l\u2019\u00e9ra on gum\u00f2n ad salvat\u00e0g<\/p>\n\n\n\n

L\u2019aviat\u00f9r ch\u2019a l\u2019\u00e8ra tach\u00e8 a u paracadut l\u2019ha tuch\u00e8 t\u00e8ra en Sant Ambr\u00f6\u015b. L\u2019ho v\u00ecst p\u00e9na d\u00f2p par\u015bun\u00e9 di partigi\u00e0n ch\u2019il purt\u00e8va ent l\u2019alb\u00e8rgh dar Bar\u00f2n, d\u00f2nda a gh\u2019\u00e8ra ar Cum\u00e0nd.<\/p>\n\n\n\n

S\u2019\u00e8 savid p\u00fcs\u00e8 t\u00e8rdi che on a\u00e9reo l\u2019\u00e8ra tud\u00e8sch e l\u2019\u00e8t\u014dr ingl\u00e8i\u015b.<\/p>\n\n\n\n

Ona b\u00e8la giurn\u00e8 da St\u00e9mbar<\/p>\n\n\n\n

L\u2019\u00e9ra on d\u00f2p mi\u015bd\u00e9 d\u2019ona b\u00e8la giurn\u00e8 p\u00e9na ad s\u00f9 e, cme s\u00f4n and\u00e0t f\u00f6ra da u purt\u00f2n ad c\u00e0 m\u00eca, h\u00f4 truv\u00e8 Franco ad Tramb\u00e0l ch\u2019u ma sp\u00ect\u00e8va. U m\u2019ha dmand\u00e8 se and\u00e8v c\u00f3\u2019 l\u00fc par sr\u00e9\u015b ent on buc\u00f2n ad t\u00e8ra ch\u2019l\u2019\u00e9ra dad l\u00e0 da u B\u00f2bi, ent a Bamb\u00f6ra. H\u00f4 avi\u015b\u00e8 a mia m\u00e0ma e t\u00fcti cont\u00e9nt, c\u00f3n u cav\u00e0gn\u00ecn en m\u00e0n, s\u00f9ma part\u00ecd p\u2019r u B\u00f2bi. On p\u00f4 p\u00fcs\u00e8 av\u00e0nti da dis\u00e8i\u015ba ad p\u00f4rta Frang\u00f9la \u00f9ma pas\u00e8 a bd\u00e0gna e s\u00f9ma and\u00e0t da l\u2019\u00e8tra p\u00e8rt du B\u00f2bi e, d\u00f2p, ent u s\u00ect ad Tramb\u00e0l.<\/p>\n\n\n\n

D\u00f2p ch\u2019as s\u00f9ma f\u00e0t ona b\u00e8la mang\u00e8da ad persagh\u00ecn, ch\u00ecl b\u00e8i savur\u00ecd da v\u00ecd, ed empin\u00ecd u cavagn\u00ecn, sar\u00e0 st\u00e0t v\u00e8rs sinch\u2019\u00f9r, \u00f9ma ciap\u00e8 u sent\u00e9 par v\u00e8gn a c\u00e0. S\u00f9ma and\u00e0t \u015b\u00f6 ent u B\u00f2b\u00ec e s\u00e9rna dr\u00e9 and\u00e8 d\u00f2nda a gh\u2019\u00e8 a bd\u00e0gna, pas\u00e0nd en m\u00e8\u015b a di scar\u015b\u00f2n ad g\u00e8ra ch\u2019\u00e8va f\u00e0t l\u2019aqua d\u2019env\u00e8ran, qu\u00e0nd, a l\u2019empr\u00f9vi\u015b \u00f9m sent\u00ecd on c\u00f9lp d\u2019on s\u2019ci\u00f2p e ar s\u00fcfl\u00e8 d\u2019ona palot\u00f9la; s\u00fcbit as s\u00f9ma tr\u00e0t par t\u00e8ra, ma et\u00e0r s\u2019ciupt\u00e8 e s\u00fcfl\u00e8va s\u00f9ra a n\u00f2stra t\u00e8sta. Al\u00f9ra as s\u00f9ma ferm\u00e8, cuc\u00e8 par t\u00e8ra e \u00f9ma dec\u00ec\u015b d\u2019and\u00e8 v\u00f9tra v\u015b\u00ecn i scar\u015b\u00f2n e truv\u00e8 on p\u00f2st p\u00fcs\u00e8 dist\u00e0nt pus\u00ecbil dar p\u00f2st ad bl\u00f2ch ch\u2019us truv\u00e8va d\u00f2nda incmems\u00e8va ra str\u00e8 dar B\u00e8d. Muvend\u00e0s s\u00e9mpar en gat\u00f2n as s\u00f9ma purt\u00e8 p\u00fcs\u00e8 dist\u00e0nt, v\u015b\u00ecn a Candia e l\u00e9, dris\u00e0ndas en p\u00e9, c\u00f3n qu\u00e0tar s\u00e0it \u00f9ma pas\u00e8 u B\u00f2bi e ads\u00e9, c\u00f3n sch\u00e8rp e br\u00e8gh bagn\u00e8 as s\u00f9ma rampigh\u00e8 s\u00f6 p\u2019r i c\u00e0mp par riv\u00e8 ens ra str\u00e8 dar B\u00e9d. Da l\u00e9, sic\u00f9r ch\u2019i avr\u00ecsa v\u00ecst che serna d\u00fc fi\u00f6 as s\u00f9ma enavi\u00e8 d\u00f2nda a gh\u2019\u00e9ra ra pustasi\u00f2n di republich\u00ecn; agh s\u00f9ma pas\u00e8 dav\u00e0nti s\u00e9nsa respir\u00e8 \u2026..l\u00f9 i n\u2019 han vard\u00e8 \u2026. i s\u2019\u00e8 m\u00ecs a r\u00ecd \u2026. e in gh\u2019han m\u00eca d\u00ect ona par\u00f2la.F\u00f4rsi a spar\u00e8 i \u00e9ra st\u00e0t pr\u00f2pi l\u00f9.<\/p>\n\n\n\n

Cme s\u00f9ma riv\u00e8 a ra f\u00ecn \u2018d ra str\u00e9 dar B\u00e8d, cme d\u00f9 sai\u00e8t, s\u00e9nsa i bast\u00f2n e cavagn\u00ecn, s\u00f9ma scap\u00e8 dr\u00ect a c\u00e0. E i persagh\u00ecn? L\u00e0, t\u00fcti l\u00e0. ent u B\u00f2bi c\u00f3n bast\u00f2n e cavagn\u00ecn.<\/p>\n\n\n\n

Dar v\u00f4t!<\/p>\n\n\n\n

C\u00f9l ch\u2019av c\u00f6nt l\u2019\u00e8 ona st\u00f4ria fin\u00ecda b\u00e8n, ma pud\u00ecva i\u00e8s \u00e0nca ona trag\u00e9dia.<\/p>\n\n\n\n

L\u2019\u00e9ra ona giurn\u00e9 d\u2019ist\u00e8 e ona v\u00f9z a s\u2019\u00e8 m\u00ecsa gir\u00e8 par B\u00f2bi: ar\u00ecva i tud\u00e8sch, i\u00e8n \u015bam\u00f2 ar Vargh\u00e8! S\u00fcb\u00ect in c\u00e0 a f\u00e8 i fag\u00f2t ch\u2019i tgn\u00ecvma s\u00e9mpar pr\u00f2nt: ona cu\u00e8rta, on po\u2019 ad v\u00ecvar. Me p\u00e8r, a ra \u015bv\u00e8lta, sar\u00e8 ra b\u00fct\u00e8ga, l\u2019\u00e8 camin\u00e8 in c\u00e0 a d\u00e8n ona m\u00e0n a pi\u00e8 s\u00f6 ra r\u00f4ba ch\u2019a serv\u00ecva e d\u00f2p s\u00fcbit \u015b\u00f6 p\u2019r ar p\u00f2nt v\u00e8rs l\u2019\u00c9rta. Ens ar p\u00f2nt gh\u2019\u00e9ra on b\u00e8l m\u00fcc ad g\u00e9nt c\u00f3n t\u00fcti i s\u00f2 fag\u00f2t e en m\u00e8\u015b ar p\u00f2nt gh\u2019\u00e8ra qu\u00e0tar \u00f4ch ch\u2019e camin\u00e8va dav\u00e0nti a ona d\u00f2na dar b\u00f9rgh (as ciam\u00e8va Tin\u00ecn) che ia cmand\u00e8va c\u00f3n o a bach\u00e8ta. En f\u00f2nd dar p\u00f2nt as s\u00f9ma div\u00ec\u015b, de pars\u00f2n i\u00e8n and\u00e0t v\u00e8rs Pianca\u015b\u00e8 e n\u00fcn, ens\u00e8ma ad l\u2019\u00e8tra g\u00e9nt, \u00f9ma ciap\u00e8 u sent\u00e8 ch\u2019u v\u00e0 ent l\u2019\u00c9rta; dav\u00e0nti a n\u00fcn gh\u2019evna s\u00e9mpar i \u00f4ch c\u00f3n ra padr\u00f2na. Qu\u00e0nd s\u00f9ma st\u00e0t en s\u00ecma, d\u00f2nda u sent\u00e9 us \u015b\u00f2nta c\u00f3n ra str\u00e8 ch\u2019a v\u00e8gna s\u00f6 da u ri Fu\u00ecn, i \u00f4ch e s\u2019\u00e8 vult\u00e8 endr\u00e9ra e i\u00e8n vul\u00e8 dr\u00ect ent ar Burgh. Am ric\u00f4rd ben\u00ecsim, anc\u00f9ra ad\u00e8s, che a Tin\u00ecn a gh\u2019\u00e8va dr\u00e9ra sulam\u00e9nt e s\u00f9 \u00f4ch e an gh\u2019\u00e8va mia ad fag\u00f2t. Per\u00f2, an ma ric\u00f4rd m\u00eca, se a padr\u00f2na ad i \u00f4ch l\u2019\u00e8 turn\u00e8 endr\u00e9ra \u00e0nca l\u00e9, ma c\u00f3n n\u00fcn an gh\u2019era p\u00f6.<\/p>\n\n\n\n

D\u00f2p stu f\u00e0t \u00f9ma continu\u00e8 a mont\u00e8 s\u00f6 e s\u00f9ma riv\u00e8 en s\u00ecma a u m\u00f2nt d\u00f2nda as s\u00f9ma ferm\u00e8 par arpi\u00e8 fi\u00e8, ent\u00e0nt a cm\u00e8s\u00e8va a tenebr\u00ec. Ra g\u00e9nt ch\u2019l\u2019\u00e9ra gn\u00ecda s\u00f6 ens\u00e8ma a n\u00fcn, d\u00f2p ch\u2019a s\u2019\u00e9ra arp\u00f4s\u00e8 l\u2019ha cm\u00e9ns\u00e8 a m\u00e8t \u015b\u00f6 e cu\u00e8rt par m\u00e8tga s\u00f6 e viv\u00e0nd e \u00e0nca n\u00fcn, d\u00f2p av\u00e8i tir\u00e8 f\u00f6ra a n\u00f2stra r\u00f4ba as s\u00f9m m\u00ecs mang\u00e8. Ent\u00e0nt l\u2019\u00e9ra gn\u00ecda l\u2019\u00f9ra da durm\u00ec e da\u015bbrat\u00e8 e cu\u00e8rt as gh\u2019a s\u00f9ma m\u00ecs en m\u00e8\u015b par sar\u00e8 i \u00f6c. Urm\u00e8i s\u2019\u00e9ra f\u00e0t m\u00e8\u015ba n\u00f6t e p\u00f4chi i ries\u00ecva a durm\u00ec; a on s\u00e8rt mum\u00e9nt \u00f9ma sent\u00ecd, s\u00f9ra n\u00fcn vul\u00e8 on aereo; ar rum\u00f9r u cunis\u00ecvna b\u00e8n, l\u2019\u00e9ra c\u00f9l ch\u2019a sent\u00ecvna t\u00fct e n\u00f6t, l\u2019\u00e9ra P\u00ecpo, si, l\u2019orfan\u00e8lo. U sentivna gir\u00e8 s\u00f9ra ad n\u00fcn e par\u00ecva ch\u2019u gh\u2019av\u00ecsa v\u00ecst, al\u00f9ra mia m\u00e0ma che l\u2019\u00e8va m\u00ecs \u015b\u00f6 ona cu\u00e8rta bi\u00e0nca e ad n\u00f6t a f\u00e8va qu\u00e8\u015bi ci\u00e8r, a n\u2019ha f\u00e0t st\u00e8 s\u00f6 e as s\u00f9ma tir\u00e8 s\u00f9ta on s\u00e8ra\u015b. Par furt\u00fcna u s\u2019n\u2019\u00e8 and\u00e0t e ads\u00e8 \u00f9ma pud\u00ecd durm\u00ec f\u00e9na a ra mat\u00e9na, alm\u00e9nu m\u00e8!<\/p>\n\n\n\n

Ar d\u00e9 d\u00f2p as s\u00f9ma purt\u00e8 p\u00fcs\u00e8 en \u015b\u00f6 e as s\u00f9ma ferm\u00e8 ent e c\u00e0 di P\u00e8ivar.L\u2019\u00e8 c\u00f9la c\u00e0 gi\u00e0lda che as v\u00e8da \u00e0nca in c\u00f6 da B\u00f2bi, vard\u00e0nd l\u2019\u00c9rta ens ra dr\u00ecta.<\/p>\n\n\n\n

Da l\u00e9 as v\u00e8da b\u00e8n B\u00f2bi e v\u00ecst ch\u2019an br\u00fc\u015b\u00e8va gn\u00e9nt e t\u00fct par\u00ecva c\u00e0lam, cme i\u00e8tar v\u00f4ta as st\u00e8vma par dec\u00ecdsa ad turn\u00e8 endr\u00e9, qu\u00e0nd a me p\u00e8r gh\u2019\u00e8 gn\u00ecd en m\u00e9nt da \u00ec\u00e8sas dasm\u00e9ntgh\u00e8 ent a b\u00fct\u00e8ga, ent on cas\u00e8t d\u2019on m\u00f2bil, on caricat\u00f9r da st\u00e8n e ona futugraf\u00eca ad so nv\u00fcd Pin\u00f2tu ens\u00e8ma \u2018d i \u00e8tar partigi\u00e0n.<\/p>\n\n\n\n

Al\u00f9ra, ens\u00e8ma ad i\u00e8tar ch\u2019i \u00e9ra st\u00e0t c\u00f3n n\u00fcn, l\u2019ha mand\u00e8 \u015b\u00f6 a v\u00e8d me m\u00e8r e me c\u00f3\u2019 l\u00e8, parch\u00e8, c\u00f3n on fi\u00f6 a v\u015b\u00ecn, a sar\u00ecsa st\u00e0ta p\u00fcs\u00e8 sic\u00fcra. N\u00fcn a gh\u2019\u00e8vna d\u2019 and\u00e8 a v\u00e8d se ra b\u00fct\u00e9ga l\u2019\u00e9ra st\u00e0ta av\u00e8rta e ads\u00e9 \u00f9ma f\u00e0t; ar neg\u00f2si u gh\u2019\u00e8va a saracin\u00e8sca ancam\u00f2 \u015b\u00f6 ed al\u00f9ra l\u2019\u00f9ma drev\u00e8rta e s\u00f9ma and\u00e0t s\u00fcbit a purt\u00e8 v\u00eca ch\u00ecl r\u00f4b pericul\u00f9\u015b. M\u00e9 m\u00e8r vur\u00ecva tr\u00e8ia \u015b\u00f6 ent ar c\u00e8su in c\u00e0 n\u00f2stra, ma gh\u2019\u00f9ma truv\u00e8 i tud\u00e8sch b\u00e8i sist\u00e9m\u00e8 e al\u00f9ra as s\u00f9ma pi\u00e8 s\u00f6 e s\u00f9ma and\u00e0t ens ar p\u00f2nt v\u00e8c par tr\u00e8ia en Tr\u00e8bia e ads\u00e8 \u00f9ma f\u00e0t.<\/p>\n\n\n\n

D\u00f2p, p\u00fcs\u00e8 tranqu\u00ecl s\u00f9ma gn\u00ecd a c\u00e0 nostra par pud\u00e8i pi\u00e8 s\u00f6 qu\u00e8ic\u00f4sa da purt\u00e8s adr\u00e9ra ent ra c\u00e0 ad qu\u00e8iche am\u00ec\u015b ch\u2019an l\u2019\u00e9ra m\u00eca st\u00e0ta \u00f4cup\u00e8 dai tugn\u00ecn. A ra f\u00ecn s\u00f9ma and\u00e0t in c\u00e0 e a mia m\u00e0ma, d\u00f2p ch\u2019a s\u2019\u00e9ra f\u00e0ta cap\u00ec, a s\u00e8gn, dai suld\u00e8, l\u2019ha pi\u00e8 s\u00f6 a n\u00f2stra r\u00f4ba, l\u00e9ns\u00f6, fasul\u00e8t, m\u00fcd\u00e0nd, cals\u00e8t, mis\u00e0 ent ona val\u00ec\u015ba e as ne s\u00f9ma and\u00e0t. Gh\u2019\u00e8 da d\u00ec che i suld\u00e8 i\u00e8n st\u00e0t g\u00e9ntil e br\u00e8v e i n\u2019han mia f\u00e0t de st\u00f4ri, ma me, par sic\u00fcr\u00e8sa, am s\u2019\u00e9ra mis av\u015b\u00ecn a de b\u00f2mb a m\u00e0n ch\u2019i \u00e9ra pugi\u00e8 par t\u00e8ra ent a mia c\u00e0mra e tgniva d\u2019\u00f6c m\u00e9r. Av garant\u00ecs che s\u2019\u00e9ra pr\u00f2nt a pi\u00e8na s\u00f6 v\u00fcna, en ch\u00e8\u015b ad peric\u00f9l.<\/p>\n\n\n\n

F\u00f6ra da u purt\u00f2n \u00f9ma v\u00ecst che in c\u00e0 ad me \u015b\u00ecu Romeo gh\u2019\u00e9ra e fn\u00e8star av\u00e8rt e al\u00f9ra s\u00f9ma and\u00e0t dads\u00f9ra e sic\u00f9ma an l\u2019\u00e9ra m\u00eca scap\u00e8 c\u00f3n ra fam\u00eclia cme n\u00fcn, a s\u00f2 c\u00e0 an l\u2019\u00e9ra m\u00eca st\u00e0ta oc\u00fcpe dai tud\u00e8sch. Ads\u00e9 as s\u00f9ma ferm\u00e8 da l\u00fc e \u00f9ma spit\u00e8 me p\u00e8r; a s\u00e9rna rest\u00e8 d\u2019ac\u00f4rdi che se an fisma m\u00eca gn\u00ecd endr\u00e9ra l\u2019\u00e9ra s\u00e8gn che t\u00fct l\u2019\u00e9ra a p\u00f2st.<\/p>\n\n\n\n

Qu\u00e0nd \u00e8 riv\u00e8, m\u00e8 p\u00e8r, l\u2019\u00e8 and\u00e0t a dr\u00e8v ra but\u00e9ga \u2026. as tir\u00e8va av\u00e0nti ads\u00e9, a B\u00f2bi gh\u2019\u00e9ra i tidesch \u2026. dm\u00e0n i partigi\u00e0n \u2026 e d\u00f2p t\u00f9rna i tud\u00e8sch: s\u00e9rna pr\u00f2pi en gu\u00e8ra!<\/p>\n\n\n\n

Qu\u00e0nd ar V\u00e8sch l\u2019\u00e8 and\u00e0t inc\u00f3ntar a i tud\u00e8sch<\/p>\n\n\n\n

A B\u00f2bi gh\u2019\u00e8vna avid i partigi\u00e0n par div\u00e8rsi m\u00e8i\u015b e en g\u00ecr as s\u00e9ntiv\u00e0 parl\u00e8 ad rastr\u0119lam\u00e9nt, ad pa\u00ec\u015b br\u00fc\u015b\u00e8, ad mas\u00e0car f\u00e0t da ona Divis\u00f2n ad M\u00f2ngul che i viulent\u00e8va \u00e0nca e d\u00f2n e r\u00e0 gent a gh\u2019\u00e8va pag\u00fcra. I part\u00ecgi\u00e0n i s\u2019n\u2019\u00e9ra and\u00e0t da div\u00e8rsi d\u00e9, qu\u00e0nd s\u2019\u00e8 sav\u00ecd che ona divi\u015bi\u00f2n tud\u00e8sca ens\u00e8ma a c\u00f9la di m\u00f2ngul e a v\u00fcna ad cam\u00ec\u015b n\u00e8igar i s\u2019\u00e9ra enavi\u00e8 en V\u00e0l Tr\u00e8bia par gn\u00ec ocup\u00e8 B\u00f2bi. T\u00fcti i \u00f2m p\u00fcse gi\u00f9van i\u00e8ra scap\u00e8 ens i m\u00f2nt, sulam\u00e9nt v\u00e8c, d\u00f2n e fi\u00f6 an i \u00e9ra m\u00eca and\u00e0t v\u00eca \u00e0nca parch\u00e8 s\u2019\u00e9ra sav\u00ecd che ar V\u00e8sch Bert\u00f2lio ens\u00e8ma a i s\u00f2 pr\u00e8v u sar\u00ecsa and\u00e0t inc\u00f2ntra ai suld\u00e8 par parlament\u00e8 c\u00f3n i ufici\u00e8l tud\u00e8sch. I pr\u00e8v i \u00e8va f\u00e0t gire s\u00fcbit ra v\u00f9\u015b da st\u00e8 c\u00e0lam, da f\u00e8 cme sa gn\u00e9nt a f\u00ecsa e da las\u00e8 e fn\u00e8star c\u00f3\u2019 i sc\u00fcr av\u00e8rt, ma da st\u00e9 in c\u00e0. Ar d\u00e9 d\u00f2p, qu\u00e0nd \u00f9ma v\u00ecst ar v\u00e8sch pas\u00e8 ens p\u00f4rta N\u00f6va c\u00f3n ar Vich\u00e8ri e and\u00e8 v\u00e8rs San Frans\u00e8sch, a ra mat\u00e9na bon\u00fcra, \u00f9ma capid che i \u00e9ra dr\u00e9ra riv\u00e8 e as s\u00f9ma sar\u00e8 en c\u00e0 cm\u2019\u00e8va d\u00ect ar V\u00e8sch. Me, per\u00f2, ens\u00e8ma a Carlo ad Vig\u00ecn e Gia calo Zan\u00e0chi as s\u00f9ma m\u00ecs a curiu\u015b\u00e8 da dr\u00e9ra a e fn\u00e8star ch\u2019 e d\u00e8va ens p\u00f4rta N\u00f6va. E n\u00f2star m\u00e0m env\u00e8ci e s\u2019\u00e9ra m\u00ecs a ciciar\u00e8 ent ra c\u00fc\u015b\u00e9na ad Carm\u00e8la. Ar t\u00e9mp un pas\u00e8va m\u00e8i, qu\u00e0nd, finalm\u00e9nt, \u00f9ma sent\u00ecd ar rum\u00f9r d\u2019on cami\u00f2n ens ra str\u00e8 al\u00f9ra as s\u00f9ma \u015bl\u00f2ngh\u00e8 b\u00e8n, b\u00e8n par v\u00e8d \u2026 e \u00f9ma v\u00ecst ona camiun\u00e8ta c\u00f3n ona tur\u00e8ta da d\u00f2nda spont\u00e8va ona mitr\u00e0lia, dav\u00e0nti a t\u00fcti e p\u00e9na dr\u00e9ra gh\u2019\u00e9ra u n\u00f2star V\u00e8sch, ens\u00e8ma a di ufici\u00e8l tud\u00e8sch e de Cam\u00ec\u015b N\u00e8ig\u014dr\u2026. par\u00ecva t\u00fct tranquil e ar V\u00e8sch surid\u00e9nt. Ent\u00e0nt \u00e0nca e n\u00f2star m\u00e0m i \u00e9ra gn\u00ecd a v\u00e8d, e s\u2019\u00e9ra drev\u00e8rt ona fn\u00e8stra par curiu\u015b\u00e8 m\u00e8ie ent st\u00e8s t\u00e9mp ent a c\u00e0 dav\u00e0nti a n\u00fcn as n\u2019\u00e9ra drev\u00e8rta on\u2019\u00e8tra \u2026.<\/p>\n\n\n\n

Ar d\u00f2p m\u00ec\u015bd\u00e9 qu\u00e0nd n\u00fcn fi\u00f6 i n\u2019han mand\u00e8 a f\u00e8 ra sp\u00e8i\u015ba (e m\u00e0m an sa fid\u00e8van m\u00eca par via di m\u00f2ngul) \u00f9ma v\u00ecst pas\u00e8 ad i om\u00f2n c\u00f3\u2019 i \u00f6c bi\u015bl\u00f2ngh ch\u2019i tgn\u00ecva e br\u00ecli di cav\u00e0i \u00e0lt e gr\u00f2s chi tir\u00e8va di car\u00e8t c\u00f3\u2019de r\u00f6d ad g\u00f9ma. En pi\u00e0sa dar D\u00f2m v\u015b\u00ecn a u campan\u00ecn, \u00f9ma v\u00ecst st\u00ec m\u00f2ngul che, ens on s\u00f2car i mas\u00e8va de p\u00f4var \u00f4ch c\u00f3\u2019a baiun\u00e8ta e d\u00f2p av\u00e8ia pl\u00e8, i tr\u00e8va t\u00e8sta e p\u00e8n en m\u00e8\u015b a ra Pi\u00e0sa; i gh\u2019\u00e8va \u00e0nca ona st\u00ecva c\u00f3n s\u00f6 ona p\u00fcgn\u00e0ta.<\/p>\n\n\n\n

L\u2019\u00e9ra ona giurn\u00e9 gr\u00ecsa c\u00f3n on\u2019\u00e8ria pe\u015b\u00e0nta e p\u00e9na f\u00ecn\u00ecd ra sp\u00e8i\u015ba s\u00f9ma and\u00e0t ad c\u00f9rsa in c\u00e0, ch\u00e9, as sent\u00ecvna p\u00fcs\u00e8 sic\u00fcr.<\/p>\n\n\n\n

Ar d\u00e8 d\u00f2p, Vig\u00ecn l\u2019\u00e8 gn\u00ecd a c\u00e0 c\u00f3n m\u00e9 p\u00e8r ch\u2019a l\u2019\u00e8 and\u00e0t s\u00fcbit a dr\u00e8v ra b\u00fct\u00e8ga parch\u00e8 di suld\u00e8 i serch\u00e8va on barb\u00e8. Dif\u00e0ti, qu\u00e0nd agh s\u00f4n and\u00e0t \u00e0nca m\u00e8, par purt\u00e8gh e savi\u00e8t lav\u00e8 e stir\u00e8 da m\u00e9 m\u00e8r, ar neg\u00f2si l\u2019\u00e9ra p\u00ecn e a gh\u2019\u00e9ra \u00e0nca chil om\u00f2n c\u00f3\u2019 i \u00f6c bosl\u00f2ngh che, ap\u00e8na i m\u2019han v\u00ecst, v\u00fcn ad l\u00f9, u m\u2019\u00e8 gn\u00ecd av\u015b\u00ecn e u m\u2019ha d\u00e0t ona car\u00e8sa; f\u00f4rsi l\u2019avr\u00e0 pens\u00e8 a i s\u00f2 fi\u00f6 lont\u00e0n!<\/p>\n\n\n\n

A B\u00f2bi par\u00ecva t\u00fct tranqu\u00ecl, gh\u2019\u00e9ra t\u00e0nti suld\u00e8 p\u2019r e str\u00e8, ma ra g\u00e9nt a gh\u2019\u00e8va pag\u00fcra, t\u00fcti i s\u00e8va parch\u00e8 i\u00e9ra gn\u00ecd e dif\u00e0ti ens i m\u00f2nt a gh\u2019\u00e9ra di rastr\u0119lam\u00e9nt e as sent\u00ecva, en lontan\u00e0nsa, cant\u00e8 e mitr\u00e0li. I \u00e9ra giurn\u00e8 gr\u00ecs, \u00e0nca se a gh\u2019\u00e8ra ar s\u00f9!<\/p>\n\n\n\n

Ona n\u00f6t ad pag\u00fcra<\/p>\n\n\n\n

L\u2019\u00e9ra st\u00e0ta ona b\u00e8la siri\u00e8, cme s\u00e9mpar, se an tgn\u00f9ma m\u00eca c\u00f6nt ad ra s\u00f2lita pag\u00fcra ch\u2019as gh\u2019\u00e8va qu\u00e0nd sent\u00ecvna pas\u00e8, s\u00f9ra a n\u00fcn, \u201cP\u00ecpo\u201d. L\u2019aero u gh\u2019\u00e8va on rum\u00f9r ch\u2019un sa pud\u00ecva m\u00eca conf\u00f2nd e, qu\u00e0nd us s\u00e9ntiva vul\u00e8, as camin\u00e8va v\u015b\u00ecn e fn\u00e9star par v\u00e8d se a cu\u00e8rta da oscuram\u00e9nt l\u2019\u00e9ra st\u00e0ta m\u00ecsa b\u00e9n e se a quarci\u00e8va b\u00e8n i v\u00e8idar. L\u2019Orfan\u00e8lo, L\u2019\u00e9ra ci\u00e0me \u00e0nca \u201cOrfan\u00e8lo\u201d par v\u00eca ch\u2019u vul\u00e8va da s\u00f9l e, s\u2019u vd\u00ecva de l\u00fc\u015b u tr\u00e8va \u015b\u00f6 de b\u00f2mb. Ens \u00ec n\u00f2star m\u00f2nt c\u00f3n ona b\u00f2mba l\u2019ha centr\u00e8 ona bal\u00e9ra e a gh\u2019\u00e9ra st\u00e0t ona m\u00fccia ad m\u00f3rt.<\/p>\n\n\n\n

Ma, turn\u00f9ma a n\u00fcn, ona b\u00e8la s\u00ecra me, Carlo, Gian Carlo, Edda, ch\u2019a st\u00e8vna ent u st\u00e8s p\u00e0lasi, cme s\u00e9mpar, \u00e8vna \u015b\u00fcgh\u00e8 ens\u00e8ma f\u00ecn a t\u00e8rdi; s\u2019\u00e9rna ap\u00e9na and\u00e0t a durm\u00ec quand \u00f9ma sent\u00ecd pich\u00e8 u purt\u00f2n dad s\u00f9ta, c\u00f3n de b\u00f2t ch\u2019a par\u00ecva ch\u2019i vur\u00ecsa tr\u00e8l \u015b\u00f6, al\u00f9ra Vig\u00ecn e m\u00e9 p\u00e8r i\u00e8n and\u00e0t a dr\u00e8v e qu\u00e0tar tud\u00e8sch, c\u00f3\u2019 i m\u00ectra spian\u00e8, i\u00e8n gn\u00ecd d\u00e9nt\u014dr e i han ciap\u00e8 e s\u00e9nsa d\u00e8 ona spiegasi\u00f2n i han purt\u00e8 v\u00eca.<\/p>\n\n\n\n

Fig\u00fcriv tuti n\u00fcn cme s\u00f9ma rest\u00e8 m\u00e8; ans\u00fcn an gh\u2019\u00e0 p\u00f6 \u2018v\u00ecd cur\u00e0g da and\u00e8 a durm\u00ec; e d\u00f2n i \u00e9ra and\u00e0t \u00e0nca l\u00f9 a v\u00e8d f\u00f6ra da u purt\u00f2n, ma di tud\u00e8sch i han f\u00e0t turn\u00e8 d\u00e9nt\u014dr.<\/p>\n\n\n\n

A ra mat\u00e9na e d\u00f2n i\u00e8n and\u00e0t a v\u00e8d cm\u2019l\u2019\u00e9ra sta situasi\u00f2n e i han v\u00ecst che an gh\u2019\u00e9ra p\u00f6 ad tud\u00e8sch en g\u00ecr \u2026. ma an gh\u2019\u00e9ra gn\u00e0nca p\u00f6 i \u00f2m.<\/p>\n\n\n\n

A sinch\u2019\u00f9r dar d\u00f2p mi\u015bd\u00e9 \u00f9ma sent\u00ecd pich\u00e8 u purt\u00f2n \u2026. l\u2019\u00e9ra me p\u00e8r c\u00f3\u2019 Vig\u00ecn ch\u2019a i \u00e9ra ri\u0119s\u00ecd s\u2019ci\u00f2ndas ent on f\u00f2s e ads\u00e9 v\u00e8gn a c\u00e0, ona gr\u00e0n c\u00f3ntontent\u00e8sa par t\u00fcti n\u00fcn fiul\u00ecn e don.<\/p>\n\n\n\n

\u00d9ma sav\u00ecd d\u00f2p che i \u00f2m i \u00e9ra st\u00e0t m\u00ecs dav\u00e0nti a ona cul\u00f2na ad tud\u00e8sch ch\u2019i gh\u2019\u00e8va da pas\u00e8 ar P\u00e8na\u015b en man\u00e9ra che i partigi\u00e0n in pud\u00ecsa m\u00eca spar\u00e8gh.<\/p>\n\n\n\n

Ra f\u00ecn ad ra gu\u00e8ra 1940 \u2013 1945<\/p>\n\n\n\n

A i \u00e8ra di d\u00e8 ad m\u00e0g dar 1945, gh\u2019\u00e9ra on s\u00f9 p\u00fcs\u00e8 lumin\u00f9\u015b dar s\u00f2lit, e en g\u00ecr as parl\u00e8va ch\u2019i \u00e8va mas\u00e8 ar Duce e che env\u00e8ci Hitler u s\u2019\u00e9ra mas\u00e8, gh\u2019\u00e9ra alegr\u00eca e \u00e0nca n\u00fcn fi\u00f6 s\u00e9rna p\u00fcs\u00e8 sv\u00ecg, sent\u00ecvna c\u00f3n content\u00e8sa che ra gu\u00e8ra l\u2019\u00e9ra dr\u00e9 fin\u00ec. C\u00f9la sensasi\u00f2n ad pag\u00fcra per\u00f2 an vur\u00ecva m\u00eca and\u00e8 v\u00eca, tr\u00f2pi se \u2026 tr\u00f2pi ma \u2026.<\/p>\n\n\n\n

Ma on b\u00e8l d\u00e8, a l\u2019empruv\u00ec\u015ba, a l\u2019\u00e8 scupi\u00e8 ra p\u00e8\u015b e la r\u00e0dio l\u2019ha d\u00e0t a nut\u00ecsia: \u201ci tud\u00e8sch i s\u2019\u00e8n ar\u00e8i\u015b a i am\u00e8ric\u00e0n \u2026. ra gu\u00e8ra l\u2019\u00e8 fin\u00ecda \u2026\u201d<\/p>\n\n\n\n

Par B\u00f2bi, am ric\u00f4rd, i \u00e9ra t\u00fcti f\u00f6ra a f\u00e8 f\u00e8sta e sta v\u00f4ta a gh\u2019\u00e9ra \u00e0nca me p\u00e8r \u2026. chi salt\u00e8va , chi as bras\u00e8va s\u00f6. En c\u00f9l mum\u00e9nt l\u00e9 h\u00f4 sent\u00ecd ch\u2019u me c\u00f6r u s\u2019\u00e9ra liber\u00e8 da ra pag\u00fcra, c\u00f9la pag\u00fcra che m\u2019ha stren\u015b\u00ecd ra g\u00f9ra e ar c\u00f6r par t\u00fct i \u00e0n ad ra gu\u00e8ra.<\/p>\n\n\n\n

Ent i d\u00e8 d\u00f2p, a gh\u2019\u00e9ra en g\u00ecr t\u00fcta on agitasi\u00f2n, ch\u2019am par\u00ecva che ar m\u00f2nd us f\u00ecsa m\u00ecs a camin\u00e8 \u2026. am par\u00ecva \u00e0nca che ra g\u00e9nt parl\u00ecsa p\u00fcs\u00e8 a ra \u015bv\u00e8lta \u2026 a l\u2019\u00e9ra pr\u00f2pi ona b\u00e8la sensasi\u00f2n!<\/p>\n\n\n\n

On\u2019 \u00e8tar ric\u00f4rd che m\u2019\u00e8 rest\u00e8 ent ra t\u00e8sta l\u2019\u00e8 st\u00e0t qu\u00e0nd i han cend\u00ecd i lampi\u00f2n ent e str\u00e8 \u2026\u2026 che l\u00fc\u015b \u2026 che b\u00e8l, a sa vd\u00ecvna da lont\u00e0n! E n\u00fcn fi\u00f6 t\u00fcti f\u00f6ra d\u2019in c\u00e0 a camin\u00e8s a dr\u00e8ra. Ra v\u00ecta l\u2019encmens\u00e8va ad\u00e8s!<\/p>\n\n\n\n

FESTE CAMPESTRI<\/p>\n\n\n\n

Ra f\u00e8sta ad San Agust\u00ecn<\/p>\n\n\n\n

Ar 28 d\u2019ag\u00f9st, gh\u2019\u00e8 ona b\u00e8la f\u00e8sta ens i m\u00f2nt; s\u00f9ra Coli a gh\u2019\u00e8 ona b\u00e8la ci\u00e9\u015ba dedich\u00e9 a san Agust\u00ecn ch\u2019a l\u2019avr\u00ecsa duv\u00ecd i\u00e8s sinqu v\u00f4t p\u00fcs\u00e8 gr\u00e0nda, ma, as s\u00e0, vur\u00e8ila f\u00e8 l\u2019\u00e8 ona r\u00f4ba, pud\u00e8ila f\u00e8 l\u2019\u00e8 on \u00e8tra man\u00e9ra. Eb\u00e8n las\u00f6 as gh\u2019and\u00e8va a p\u00e9 s\u00eca par devusi\u00f2n, s\u00eca par divert\u00ecs \u2026. par n\u00fcn fi\u00f6 l\u2019\u00e9ra on\u2019uca\u015bi\u00f2n par cun\u00f9s ad l\u2019\u00e8tra g\u00e9nt. A Coli a gh\u2019\u00e8vna \u00e0nca ad i am\u00ec\u015b ch\u2019i \u015b\u00fcgh\u00e8va u bal\u00f2n c\u00f3\u2019 n\u00fcn; a ra squedr\u00e0 du bal\u00f2n a gh\u2019\u00e8vna d\u00e0t on n\u00f9m empurt\u00e0nt ra \u00abDrago verde\u00bb. Par riv\u00e8gh a p\u00e9 b\u015b\u00f6gn\u00e8va pas\u00e8 ar p\u00f2nt v\u00e8c e d\u00f2p brich\u00e8 s\u00f6 p\u2019ra str\u00e8 ad l\u2019\u00c9rta, che a l\u2019\u00e8 p\u00fcs\u00e8 on sent\u00e8 ch\u2019ona str\u00e8, purt\u00e8s v\u00e8rs Font\u00e8na, a Purs\u00ec e da l\u00e9 a t\u2019enavi\u00e8v v\u00e8rs u m\u00f2nt ad san Agust\u00ecn, f\u00e0t ad s\u00e0s n\u00e8ig\u014dr; as pas\u00e9va, par f\u00e8la p\u00f6 c\u00fcrta, ent on busch\u00e8t, ma gh\u2019\u00e8vna s\u00e9mpar pag\u00fcra ad qu\u00e8iche s\u2019ciupt\u00e8, parch\u00e9 ent i st\u00e8s d\u00e9 i drev\u00ecva ra c\u00e0cia, e al\u00f9ra sa mt\u00ecvna a cant\u00e8 par f\u00e8s sent\u00ec ch\u2019agh s\u00e9rna. Pas\u00e8 u busch\u00e8t as str\u00f9v\u00e8va ona str\u00e8 ad g\u00e8ra n\u00e8igra ch\u2019at purt\u00e8va f\u00ecn a ra ci\u00e9\u015ba.<\/p>\n\n\n\n

Las\u00f6 dat\u00f9ran a ra ci\u00e8\u015ba gh\u2019\u00e8 on busch\u00e8t ad nis\u00f6r e l\u00e9 en m\u00e8\u015b at gha tr\u00fcv\u00e8v, b\u00e8le sistem\u00e8 c\u00f3\u2019 e tv\u00e0i, tavul\u00ecn, cadr\u00e9gh ch\u00ecl da C\u00f6r, ch\u00e9 an gh\u2019\u00e8 d\u00fcbi i gn\u00ecva s\u00f6 a pr\u00e8par\u00e8s ar p\u00f2st a ra s\u00ecra pr\u00ecma. Ap\u00e9na riv\u00e8, ona b\u0119iv\u00ecda da u fontan\u00ecn ch\u2019a gh\u2019\u00e9ra en m\u00e8\u015b a e pi\u00e0nt e d\u00f2p en g\u00ecr a serch\u00e8 i am\u00ec\u015b e a vard\u00e8 e bancar\u00e8l. Gh\u2019\u00e9ra ad t\u00fct ens u pias\u00e8l, dai d\u00f9s, dai gi\u00fcg\u00e0tul, da u car\u00e8t c\u00f3\u2019 s\u00f6 a damig\u00e9na ad v\u00ecn b\u00f2n, da b\u00e8iv d\u00f2p qu\u00e0tar f\u00e8t ad sal\u00e0m f\u00e0t ent e n\u00f2star camp\u00e0gn e s\u00f9ta i port\u00e0gh ra luter\u00eca che i f\u00e8va par tir\u00e8 s\u00f6 qu\u00e0tar s\u00f4d par ra ci\u00e9\u015ba. Gh\u2019\u00e9ra ent l\u2019\u00e8ria on rum\u00f9r ad v\u00f9\u015b, u st\u00e8s rum\u00f9r dar march\u00e8 a B\u00f2bi, ma a l\u2019\u00e9ra on parl\u00e8 p\u00fcs\u00e8 al\u00e9g\u014dr: gh\u2019\u00e9ra de v\u00f9\u015b da fi\u00f6. A und\u014d\u015b \u00f9r ra s\u00e0nta M\u00e8sa, e da ra c\u00e9\u015ba gn\u00ecva f\u00f6ra ar cant\u00e8 de preghi\u00e9r de d\u00f2n \u2026. si, parch\u00e8 ra p\u00f4rta l\u2019\u00e9ra las\u00e8 drev\u00e8rta par f\u00e8 sent\u00ec ra m\u00e8sa \u00e0nca a chi an truv\u00e8va p\u00f2st en ci\u00e9\u015ba. Gh\u2019\u00e9ra s\u00e9mpar t\u00e0nta g\u00e9nt e \u00e0nca u piasal\u00ecn, dav\u00e0nti a ra c\u00e9\u015ba, l\u2019\u00e8ra t\u00fct p\u00ecn.<\/p>\n\n\n\n

Fin\u00ecda ra fonsi\u00f2n a n\u00f2stra compagn\u00eca a s\u2019a mt\u00ecva ent u pr\u00e8 ch\u2019a l\u2019\u00e9ra ap\u00e9na f\u00f6ra \u2018d<\/p>\n\n\n\n

ra c\u00e9\u015ba e m\u00e8\u015b en dis\u00e8i\u015ba; an sa pud\u00ecva m\u00eca \u015b\u00fcgh\u00e8 a u bal\u00f2n, ma l\u2019\u00e9ra c\u00f2mud par st\u00e8s. Ona v\u00f4ta ch\u2019\u00e8vna fin\u00ecd da mang\u00e8 and\u00e8vna a serch\u00e8 i n\u00f2star am\u00ec\u015b e ens\u00e8ma a lu a \u015b\u00fcgh\u00e8vma c\u00f3\u2019 e fi\u00f2mb a culp\u00ec de t\u00f2l ch\u2019a mt\u00ecvna cme bers\u00e0li e s\u00e9rna pr\u00f2pi br\u00e8v! Ona v\u00f4ta, ent ar gn\u00ec a c\u00e0, as s\u00f9ma m\u00ecs a mir\u00e9 di pasar\u00ecn \u2026.. u pr\u00ecm a ciap\u00e8n i\u00fcn s\u00f4\u2019 st\u00e0t m\u00e9 \u2026. cm\u2019 a l\u2019\u00f9ma v\u00ecst par t\u00e8ra agh s\u00f9ma rest\u00e8 talm\u00e9nt m\u00e8 che \u00f9ma m\u00ecs v\u00eca s\u00fcbit e fi\u00f2mb e scagn\u00fcf s\u00f9ma and\u00e0t a c\u00e0 cme s\u2019av\u00ecsma f\u00e0t on m\u00e8l lav\u00f9: gh\u2019\u00e8vna quat\u00f4rda\u015b \u00e0n.<\/p>\n\n\n\n

Ra f\u00e8sta dar P\u00e8na\u015b<\/p>\n\n\n\n

I \u00e8ra i \u00e0n sinqu\u00e0na du sec\u00f9l pas\u00e8, a gh\u2019\u00e8vma quind\u014d\u015b \u00e0n. \u015a\u00e0 ar d\u00e9 pr\u00ecma ad ra f\u00e8sta s\u2019erna en agitasi\u00f2n, par dec\u00ecd c\u00f4\u015ba f\u00e8s prepar\u00e8 da e nostar m\u00e0m; solitam\u00e9nt i\u00e9ra sempar e st\u00e8s r\u00f4b: a cutl\u00e8ta a ra milan\u00e8i\u015ba, d\u00f9 e tri \u00f6v c\u00f6t a bal\u00e8t, di mich\u00ecn c\u00f3\u2019 de f\u00e8t ad murtad\u00e8la e p\u2019r ar b\u00e8iv an gh\u2019\u00e9ra m\u00eca ad prubl\u00e8ma parch\u00e9 ens u Mont as truv\u00e8va i uster\u00ec, c\u00f3n t\u00fct c\u00f9l ch\u2019at vur\u00ecv. I uster\u00ec e gn\u00ecva mont\u00e8 las\u00f6, ap\u00e8na s\u00f9ta ra ci\u00e9\u015ba e \u015b\u00f6 par ra str\u00e8 e l\u00e9 as gha pud\u00ecva truv\u00e8gh ad t\u00fct, \u00e0nca on b\u00e8l br\u00f6d ch\u00e8d, fat c\u00f3\u2019 di b\u00e8i t\u00f2ch ad ch\u00e8ran; av garant\u00ecs che qu\u00e0nd a gn\u00ecva s\u00f6 ra n\u00e8bia, sp\u00e8sa da tai\u00e8la c\u00f3\u2019 u curt\u00e8l e ch\u2019at bagn\u00e0va t\u00fct, on b\u00e8l br\u00f6d ch\u00e8d u ta mt\u00ecva s\u00fcbit a p\u00f2st.<\/p>\n\n\n\n

Ma pens\u00e0ndagh on atim\u00ecn, a ra s\u00ecra pr\u00ecma s\u00e8vma \u00e0nca chi avr\u00ecsa f\u00e0t ra t\u00f9rta e capit\u00e8va dar v\u00f4t ch\u00e9 \u00f2gni m\u00e0ma a ta mt\u00ecva, da s\u2019ciond\u00f2n, on t\u00f2ch ad b\u00fcsl\u00e0n, ent u tascap\u00e0n parch\u00e8 e s\u00e8va b\u00e8n ch\u2019an l\u2018avr\u00ecsma mia tr\u00e0t via: las\u00f6 at gn\u00ecva de f\u00e0m da l\u00f9, s\u00eca par ra str\u00e8 e sia p\u2019r ar camin\u00e8 ch\u2019as f\u00e8va par riv\u00e8 en s\u00ecma.<\/p>\n\n\n\n

E si! As gh\u2019and\u00e8va a p\u00e9, a ra mat\u00ecn bon\u00f9ra, v\u00e8rs sinq\u2019\u00f9r, as d\u00e8vna apuntam\u00e9nt dav\u00e0nti a qu\u00e8ich\u00e8 purt\u00f2n ad B\u00f2bi e, d\u00f2p v\u00eca, ad b\u00f2na l\u00e9na, v\u00e8rs san Frans\u00e8sch e da l\u00e9 a pi\u00e8 s\u00fcbit u sent\u00e9 ch\u2019a gh\u2019\u00e8ra e che a pas\u00e8va s\u00f6 dr\u00e9ra a v\u00ecla Irene. U sent\u00e8 ut purt\u00e8va pr\u00ecma ent u B\u00f2sch, d\u00f2nda ta vd\u00ecv ancam\u00f2 D\u00f9rda, d\u00f2p u pigh\u00e8va a ra mans\u00e9na e u mont\u00e8va dr\u00ect v\u00e8rs a Val; l\u00e8 at salt\u00e8v f\u00f6ra ens ra str\u00e8 dar P\u00e8na\u015b, as tai\u00e8va ent on pr\u00e8 et at salt\u00e8v f\u00f6ra ens ra str\u00e8 ad S\u00e0nta Maria \u2026. as ne f\u00e8v\u00e0 on tuch\u00e8t, f\u00ecn da riv\u00e8 a u f\u00f2s du R\u00ec da Sa\u00ect e l\u00e9, pr\u00ecma da pas\u00e8 ar p\u00f2nt as gir\u00e8va s\u00f6 dr\u00ect v\u00e8rs ra p\u00f2nta du M\u00f2nt. Chim\u00f2, per\u00f2, pi\u00e8vma fi\u00e8, parch\u00e8 b\u015b\u00f6gn\u00e8va prepar\u00e8s par ra p\u00e8rt p\u00fcs\u00e8 d\u00fcra da sal\u00ecda e f\u00e8 e scar\u00e8t. E scar\u00e8t, i \u00e8n ciam\u00e8 ads\u00e9 on sent\u00e9 ch\u2019us ramp\u00ecga dr\u00ect cm\u2019ona sch\u00e8ra e ch\u2019u p\u00f4rta ens ra v\u00e8ta, d\u00f2nda a gh\u2019\u00e8 ra ci\u00e8\u015ba c\u00f3n ra Moadun\u00e9na; l\u2019\u00e8 ona sal\u00ecda ch\u2019 at r\u00f2mpa e g\u00e0mb, ma qu\u00e0nd t\u2019ar\u00ecv las\u00f6 at ta s\u00e9nt ona content\u00e8sa ad\u00f2s che at fa sent\u00ec \u00e0nca p\u00f6 br\u00e8v: en f\u00f2nd, t\u00fcta sta fadiga as f\u00e8va \u00e0nca par devusi\u00f2n. Ona v\u00f4ta riv\u00e8, d\u00f2p ch\u2019as s\u00e9rna b\u00e8n arp\u00f4s\u00e8, non p\u00e9na p\u00e9na ch\u2019a sent\u00ecvna a sun\u00e8 a campan\u00e8la, che t\u2019at d\u015b\u00ecva che cmens\u00e8va ona m\u00e8sa \u2026\u2026 d\u00e9ntar par f\u00e8 u n\u00f2star duv\u00e8r ed \u00e8s d\u00f2p l\u00ecbar p\u00fcs\u00e8 pr\u00e8stu pus\u00ecbil.<\/p>\n\n\n\n

A d\u00ec ra vr\u00ect\u00e8 ar P\u00e8na\u015b as gha gn\u00ecva si, par ra madun\u00e9na, ma \u00e0nca par l\u2019\u00e8ria ad f\u00e8sta ch\u2019a gh\u2019\u00e8ra en g\u00ecr: bancar\u00e8l culur\u00e8, p\u00ecn ad b\u00e8i r\u00f4b \u2026. gi\u00fcgat\u00f9l, p\u014drtaf\u00f6i, sp\u00ecl e cul\u00e8n d\u2019\u00f2gni r\u00e0sa \u2026. ad cast\u00e8gn e nis\u00f6r, b\u00e8i l\u00f2ngh, da pud\u00e8isia m\u00e8t du o tr\u00e8i v\u00f4t dat\u00f9ran ar c\u00f2l.<\/p>\n\n\n\n

Fin\u00ecda ra m\u00e8sa, f\u00f6ra en m\u00e8\u015b a c\u00f9la conf\u00fc\u015bi\u00f2n al\u00e9gra ch\u2019a v\u00e0 e ch\u2019a v\u00e8gna, s\u00e9nsa m\u00e8i f\u00e8rmes, v\u00e8rs ra ci\u00e9\u015ba ferm\u00e0ndas pr\u00ecma dav\u00e0nti a e bancar\u00e8l par vard\u00e8 ra merc\u00e0nsia. Da la s\u00f6, \u00e0nca se pr\u00e8st, as v\u00e8da, vard\u00e0nd \u015b\u00f6 en m\u00e8\u015b a i pr\u00e8, tv\u00e0i e cu\u00e8rt sparpai\u00e8, m\u00ecs l\u00e9 par t\u00e8gnas ar p\u00f2st \u2018d ra compagn\u00eca par mang\u00e8 e ra g\u00e9nt ch\u2019as ci\u00e0ma, ch\u2019as sal\u00fcta. Is m\u00f6va a gr\u00fcp cme pirul\u00ecn en m\u00e8\u015b a i l\u00e8gh ad Tr\u00e8bia qu\u00e0nd l\u2019\u00e8 gr\u00f2sa. C\u00f9l ciaciar\u00e8, a p\u2019r\u2019 \u00e8ria, u dv\u00e9nta rum\u00f9r e us mis\u2019cia a ra m\u00fc\u015bica di girad\u00ecsch. Ens\u00f9ma a gh\u2019\u00e8 alegr\u00eca, a gh\u2019\u00e8 v\u00f6ia da divert\u00ecs. \u00c0nca n\u00fcn bag\u00e0i, s\u00e8mpar c\u03cc\u2019u n\u00f2star tascap\u00e0n en sp\u00e0la, a sent\u00ecvna l\u2019\u00e8ria ad f\u00e8sta: c\u00f9la alegr\u00eca ch\u2019at ci\u00e0pa qu\u00e0nd t\u2019\u00e9 cont\u00e9nt e ch\u2019at fa r\u00ecd ar c\u00f6r.<\/p>\n\n\n\n

Ogni t\u00e0nt as vard\u00e8vna en g\u00ecr par v\u00e8d da pud\u00e8isa truv\u00e8 c\u03cc\u2019 i \u00e8tar am\u00ec\u015b ad B\u00f2bi e, ent\u00e0nt, me, Mally e P\u00e9dar, as purt\u00e8vna salt\u00e0nd ent u pr\u00e8 di bubi\u00e8i\u015b; l\u00e9 v\u015b\u00ecn , at\u00e0ca a u so Dodge, ch\u2019l\u2019\u00e8va f\u00e0ta ra gu\u00e8ra c\u03cc\u2019 i americ\u00e0n, Roberto e P\u00e8ul, c\u03cc\u2019 e cas\u00e8t de b\u00ecbit du s\u00f2 bar \u2026.qu\u00e0tar par\u00f2l par r\u00ecd e d\u00f2p v\u00eca a m\u00e8t \u015b\u00f6 a cu\u00e8rta c\u03cc\u2019 i n\u00f2star tascap\u00e0n. B\u015b\u00f6gna sav\u00e8i che \u00f2gni pa\u00ec\u015b u gh\u2019\u00e8va sgn\u00e8 on p\u00f2st ens i pr\u00e8 dar P\u00e8na\u015b, me p\u00e9ns urm\u00e8i par tradisi\u00f2n, e ar p\u00f2st di bubi\u00e8i\u015b a l\u2019\u00e9ra c\u00f9l ap\u00e8na s\u00f9ta ra ci\u00e9\u015ba. \u00d2gni t\u00e0nt as s\u00e9nt\u00ecva i pr\u00e8v che, c\u00f3n ona campan\u00e8la, i ci\u00e0m\u00e8va ra g\u00e9nt a m\u00e8sa, s\u00e9mpar en m\u00e8\u015b a ona gr\u00e0n conf\u00fcsi\u00f2n e rum\u00f9r.<\/p>\n\n\n\n

Sult\u00e0n v\u00e8rs und\u00e0\u015b \u00f9r, ar rum\u00f9r, dvent\u00e8 uram\u00e8i frac\u00e0s, us chi\u00e9t\u00e8va e as s\u00e9nt\u00ecva riv\u00e8 ra mach\u00ecna dar V\u00e8sch: u gn\u00ecva a d\u00ec ra m\u00e8sa gr\u00e0nda. I d\u00ecsch in sun\u00e8va p\u00f6, ar fracas\u00e9ri u spar\u00ecva e ra g\u00e8nt a s\u2019encamin\u00e8va v\u00e8rs a st\u00e0tua del Redentore, d\u00f2nda ar V\u00e8sch l\u2019avr\u00ecsa d\u00ect m\u00e8sa. \u015a\u00e0 as s\u00e8nt\u00ecva cant\u00e8 l\u2019Ave Mar\u00eca e t\u00fct ar P\u00e8na\u015b u dv\u00e9nt\u00e8va on Santu\u00e8ri; t\u00fct e d\u00f2n c\u00f3\u2019r ru\u015b\u00e8ri en m\u00e0n: e p\u00fcs\u00e8 v\u00e8c t\u00fct vist\u00ecd c\u03cc\u2019 di sc\u00f4sar\u00f2n n\u00e8ig\u014dr.<\/p>\n\n\n\n

T\u00fcti i pr\u00e9gh\u00e8va, f\u00f4rsi qu\u00e8iched\u00fcn a ra b\u00e8le m\u00e8i, ma i pr\u00e9gh\u00e8va anca l\u00f9. Ona v\u00f4ta \u00e8 capit\u00e8 che, ent\u00e0nt che ar V\u00e8sch u d\u015b\u00ecva m\u00e8sa, ona b\u00f2ta a ha custr\u00e9t a vard\u00e8 en \u00e0lt: on aereo ch\u2019u v\u00f9l\u00e8va b\u00e0s s\u00f9ra n\u00fcn; l\u2019\u00e9ra gn\u00ecd a cariu\u015b\u00e8. Ar mum\u00e9nt ad l\u2018elevasi\u00f2n, qu\u00e0nd ar V\u00e8sch l\u2019als\u00e8va u Sant\u00ecsim t\u00fctta ra g\u00e9nt , v\u00e8c c\u03cc\u2019i bast\u00f2n, d\u00f2n e fi\u00f6 t\u00fcti i sa met\u00ecva en \u015bnuci\u00f2n. Ar sil\u00e9nsi l\u2019enpin\u00ecva l\u2019\u00e8ria: ens u Mont as sent\u00ecva ra bendisi\u00f2n dra Mad\u00f2na!.<\/p>\n\n\n\n

A ra Com\u00fcni\u00f2n e pars\u00f2n e sa mt\u00ecva in c\u00f9a e, l\u00e0 en \u00e0lt, v\u015b\u00ecn a l\u2019alt\u00e8r, ta vd\u00ecv on gr\u00e0n mi\u015bd\u00f2s; ent\u00e0nt u gir\u00e0d\u00ecsch u f\u00e8va s\u00e9nti l\u2019Ave Maria. Ra g\u00e9nt l\u2019encmens\u00e8va a sparpai\u00e8s e t\u00fcti ad\u00e8\u015bi ad\u00e8\u015bi, fin\u00ecda ra m\u00e8sa, d\u00f2p av\u00e8isa f\u00e0t ar s\u00e8gn dra cr\u00f9\u015b, ciciar\u00e0nd is n\u2019and\u00e8va d\u00f2nda a i \u00e9ra st\u00e0t m\u00ecs e b\u00f9rs e i tascap\u00e0n c\u00f3n e pruv\u00ecst.<\/p>\n\n\n\n

Ar mum\u00e9nt p\u00f6 b\u00e8l l\u2019era qu\u00e0nd t\u00fcti e s\u2019enavi\u00e8va par and\u00e8 a mang\u00e8 . D\u00f2p \u00e8s pas\u00e8 ancam\u00f2 dav\u00e0nti a u cami\u00f2n ad Caviglia e av\u00e8isa pi\u00e8 e b\u00ecbit, l\u2018aranci\u00e0te, ga\u015b\u00f9\u015b, s\u2019and\u00e8vna a st\u00e8 ent u n\u00f2star p\u00f2st d\u00f2nd\u2019 \u00e8vma las\u00e8 i tascap\u00e0n. As lav\u00e8vna e m\u00e0n c\u00f3\u2019 l\u2019\u00e0qua da bur\u00e0cia ch\u2019\u00e8vma empin\u00ecd ent a font\u00e8na f\u00e0ta da ra Mil\u00ecsia Furest\u00e8l pr\u00ecma ad riv\u00e8 en s\u00ecma, e d\u00f2p tir\u00e8vna f\u00f6ra i n\u00f2star mich\u00ecn. Ent\u00e0nt, ra g\u00e9nt de tavul\u00e8d f\u00e0t c\u00f3n de tv\u00e0i av\u015b\u00ecn a n\u00fcn e chi gh\u2019\u00e8va a dr\u00e9ra ona m\u00fccia ad r\u00f4ba, \u00f2gni b\u00e8n di Dio e i \u00e9ra di si\u00f9r ad B\u00f2bi, ad s\u00f2lit i n\u2019\u00e8va purt\u00e8 v\u00eca \u00e0nca di t\u00f2ch du n\u00f2star p\u00f2st; prubabilm\u00e9nt, ads\u00e9 v\u015b\u00ecn agh\u2019 d\u00e8vna fastidi, ma i \u00e8ra st\u00e0t lu i preput\u00e9nt! Pietrino ch\u2019a l\u2019\u00e9ra u p\u00fcs\u00e8 rangugn\u00ecn u f\u00e8va a p\u00f2sta an vur\u00e8i mia spust\u00e8s e u f\u00e8va f\u00ecnta ad gn\u00e9nt. On b\u00e8l mum\u00e9nt, d\u00f2p av\u00e8i mang\u00e8, f\u00e8vma s\u00f6 i n\u00f2star t\u00e0tar e as n\u2019and\u00e8vma a d\u00e8 on\u2019\u00f6ci\u00e8 en g\u00ecr, a v\u00e8d s\u2019a vd\u00ecvna qu\u00e8iche fiul\u00e8ta da n\u00f2stra et\u00e8: a quin\u015b\u2019\u00e0n as content\u00e8vma ad d\u00fc par\u00f2l, du rid\u00e8d ens\u00e8ma \u2026. e d\u00f2p via da on\u2019\u00e8tra p\u00e8rt a v\u00e8dan ad\u2019i\u00e8tar, s\u00e9mpar b\u00e8i e gi\u00f9van cme n\u00fcn.<\/p>\n\n\n\n

V\u00e8rs sinq\u2019\u00f9r as decid\u00ecva d\u2019and\u00e8 a c\u00e0; \u00e0nca l\u2019\u00e8tra g\u00e9nt l\u2019encmens\u00e8va a f\u00e8 s\u00f6 e tv\u00e0i, e cu\u00e8rt; de compagn\u00ec e cant\u00e8va, di gr\u00f9p i \u015b\u00fcgh\u00e8va a ra m\u00f9ra e cm\u00e9 s\u00e9mpar an gha manch\u00e8va m\u00e8i i s\u00f2lit ci\u00f9ch ch\u2019i tach\u00e8va dal l\u00ect.<\/p>\n\n\n\n

Ra f\u00e8sta l\u2019\u00e9ra urm\u00e8i fin\u00ecda e n\u00fcn, c\u014dnt\u00e9nt, c\u00f3\u2019 u tascap\u00e0n v\u00f4d, s\u2019enavi\u00e8vma v\u00e8rs c\u00e0 n\u00f2stra. P\u2019ra str\u00e8 as ferm\u00e8vma s\u00f9ta qu\u00e8iche pi\u00e0nta ad p\u00f9m e a t\u00e0ca de v\u00ecd par pud\u00e8i f\u00e8 mar\u00e9nda e ads\u00e9 d\u00f2p che birichin\u00e8d ch\u00e9, cont\u00e9nt da i\u00e8s st\u00e0t br\u00e8v a f\u00e8s m\u00eca v\u00e8d, camin\u00e0nd \u015blongh\u00e8vna ar p\u00e0s par riv\u00e8 a B\u00f2bi pr\u00ecma dra curi\u00e9ra.<\/p>\n\n\n\n

IN MEMORIA<\/p>\n\n\n\n

17 aprile 1969<\/p>\n\n\n\n

A Andrea Mozzi<\/p>\n\n\n\n

( Balena )<\/p>\n\n\n\n

– Ciau, \u00e9t riv\u00e8 ?
– Si, s\u00f4n<\/sup> ch\u00e9;
– d\u00f9ma ch\u2019a gh\u2019\u00e8 da f\u00e8,
– Ohi b\u00e8la! anca ch\u00e9 ?
– V\u00e8dat Dariin,
b\u015b\u00f6gna en<\/sup>sgn\u00e8
a vul\u00e8
a i an<\/sup>gil\u00ecn.<\/p>\n\n\n\n

A zia Cierina 30 maggio 1974<\/em><\/p>\n\n\n\n

Adi\u00fc \u015bia
ad\u00e8s si \u00e9n<\/sup>s\u00e8ma
te, i t\u00f2 v\u00e8c,
u t\u00f2 \u00f2m, PIn\u00f2tu,
e n\u00fcn s\u00f9ma ch\u00e9
a pian<\/sup>\u015bva ancam\u00f2
ent ar ric\u00f4rd
di t\u00e9mp pas\u00e8.
Ricordat che vita grama
tan<\/sup>t lav\u00f9
par quatar s\u00f4d?
E pur s\u00e9rna
t\u00fcti con<\/sup>t\u00e9n<\/sup>t
da \u00e9s an<\/sup>cam\u00f2
en<\/sup>s a t\u00e8ra,
da \u00e9s gnid f\u00f4ra
da ra gu\u00e8ra.
Ric\u00f4rdat ch\u00ec Nad\u00e8l,
i rig\u00e0l ch’a s’aspet\u00e8vna?
Ona mai\u00e8ta, qu\u00e0tar n\u00fc\u015b?
s\u00e9rna p\u00f4var Crist in cr\u00fc\u015b,
ma t\u00e0n<\/sup>t con<\/sup>t\u00e9n<\/sup>t
parch\u00e8 t\u00fcti
an s\u2019 gh\u2019\u00e8va gn\u00e9n<\/sup>t
D\u00f2p ar mon<\/sup>d
u s’\u00e9 m\u00ecs a c\u00f9r
e n\u00fcn, cui\u00f2n,
t\u00fcti a dr\u00e9ra
a cerch\u00e8 ona chim\u00e9ra
ch\u2019ans\u00fcn a m\u00e8i tr\u00f9v\u00e8.
S’avd\u00ecvna s\u00e9m<\/sup>par camin\u00e0nd:
“Ci\u00e0u, st\u00e8t b\u00e8n\u00ad? \u00c0nca m\u00e9”
e d\u00f2p v\u00eca s\u00e9m<\/sup>par a dr\u00e9,
s\u00e9n<\/sup>sa on \u00e0tim par parl\u00e8s.
Ad\u00e8s per\u00f2 ch’an si manch\u00e8
e ch’an s\u00f9ma p\u00f6 en<\/sup>s\u00e8ma,
gh\u2019\u00f9ma p\u00e8ri a vard\u00e8 en<\/sup>dr\u00e8
par cerch\u00e8 a v\u00f2stra m\u00e0n.
Orm\u00e8i vi\u00e8tar si lont\u00e0n,
en<\/sup> p\u00e8\u015b, en<\/sup>t c\u00f9la gi\u00fcsta
d\u00f2n<\/sup>da t\u00fcti s\u00ec l’ist\u00e9s
e l’ist\u00e8s l’\u00e8 propri t\u00fct,
sen<\/sup>sa si\u00f9r, n\u00e9 f\u00fcrb, n\u00e9 l\u00f9ch.
S\u00e9n<\/sup>sa t\u00e9m<\/sup>p par c\u00e8rti r\u00f4b,
s\u00e9n<\/sup>sa af\u00e0n par qu\u00e0tar s\u00f4d,
parch\u00e8 in c\u00f6
l’\u00e9 i\u00e9r e dm\u00e0n!<\/p>\n\n\n\n

all\u2019amico Pietro Mozzi 10 giugno 2005<\/em><\/p>\n\n\n\n

A on ami\u015b<\/p>\n\n\n\n

A t\u2019\u00e8 and\u00e0t prima che m\u00e9,
cme s\u00e9mpar m\u2019\u00e9t bat\u00ecd,
ent ra c\u00f9rsa t\u2019\u00e9ra f\u00f4rt
t\u2019\u00e9 vens\u00ecd \u00e0nca st\u00e0 v\u00f4ta,
c\u00f3n ra m\u00f3rt<\/p>\n\n\n\n

Ad\u00e8s asp\u00e8tma che gnir\u00f4
t\u00e8gn\u2019ma ar post
ent ar parad\u00ec\u015b
parch\u00e9 san P\u00e9dar
l\u2019\u00e8 on t\u00f2 am\u00ec\u015b.<\/p>\n\n\n\n

Camin\u2019r\u00f9ma \u00e0nca las\u00f6
cme f\u00ecsma ancam\u00f2 d\u00fc fi\u00f6
e ridr\u00f9ma vard\u00e0nd \u015b\u00f6
e n\u00f2star d\u00f2n, i n\u00f2star nv\u00f9d,
s\u00e9nsa nustalg\u00eca.<\/p>\n\n\n\n

Caminar\u00f9ma \u00e0nca l\u00e9
s\u00e9mpar ens\u00e8ma m\u00e9 e t\u00e9
ed andr\u00f9ma cme d\u00fc am\u00ec\u015b<\/p>\n\n\n\n

ent e Fraci\u00fcs dar Parad\u00ecs,
par granfi\u00f2n.<\/p>\n\n\n\n

S\u00e9nsa pensi\u00e9r, s\u00e9nsa pag\u00fcra
ens\u00e8ma a t\u00e0nta b\u00e8la g\u00e9nt
ent ona d\u00f9sa, b\u00e8la nat\u00fcra
s\u00e9nsa av\u00e8iga b\u015b\u00f6gn ad gn\u00e9nt,
c\u00f3r Sign\u00f9r<\/p>\n\n\n\n

Ad\u00e8s pr\u00e9ga \u00e0nca par n\u00fcn
parch\u00e9 t\u2019\u00f9ma vur\u00ecd b\u00e8n
e da br\u00e8v avuch\u00e8t
dif\u00e9nda a n\u00f2stra c\u00e0usa
c\u00f3n f\u00f4rsa.<\/p>\n\n\n\n

Ci\u00e0u P\u00e9dar, ciao Pietrino
arv\u00e8das las\u00f6 d\u00f2n<\/sup>da t\u2019\u00e9.<\/p>\n\n\n\n

Per l\u2019amico Paolo Caviglia 2 Febbraio 2014<\/em><\/p>\n\n\n\n

Paolo<\/p>\n\n\n\n

I\u00e8r gh\u2019\u00e8 st\u00e0t f\u00e8sta
en Parad\u00ec\u015b,
l\u2019\u00e8 riv\u00e8 P\u00e8ul
da i so am\u00ec\u015b,<\/p>\n\n\n\n

i la spet\u00e8va
\u015bam\u00f2 d\u2019on p\u00f4,
e i pregh\u00e8va
par f\u00e8l gn\u00ec s\u00f6.<\/p>\n\n\n\n

Da qu\u00e0nd en m\u00f2to
l\u2019\u00e8 and\u00e0t casch\u00e8
en qu\u00e8iche min\u00e9ra
an s\u2019\u00e9ra p\u00f6 arpi\u00e8<\/p>\n\n\n\n

Ad\u00e8s finalm\u00e9nt
l\u2019\u00e8 tra i so am\u00ec\u015b,
ma gh\u2019\u00e8 t\u00e0nta g\u00e9nt
en Parad\u00ec\u015b,<\/p>\n\n\n\n

g\u00e9nt al\u00e9gra,
g\u00e9nt ch\u2018a pr\u00e8ga,
g\u00e9nt che inc\u00f6
i v\u00e8rda ch\u00e9 \u015b\u00f6<\/p>\n\n\n\n

i prega, par t\u00e9 Pier\u00ecna,
p\u2019r u so fi\u00f6 Fulvio
p\u2019r\u2019a sua Madina;<\/p>\n\n\n\n

P\u00e8ul u st\u00e0 b\u00e8n e a l\u2019\u00e8
d\u00f2nda n\u00fcn a gh\u2019\u00f9ma
ancam\u00f2 da riv\u00e8.<\/p>\n\n\n\n

(all\u2019amico Matteo Valla 10 marzo 2013<\/em>)<\/strong><\/em><\/p>\n\n\n\n

DON MATTEO<\/p>\n\n\n\n

I gh\u2019\u00e8va dab\u015b\u00f6gna at t\u00e9
las\u00f6 en Paradi\u015b,
i \u00e8va cambi\u00e8 ar Papa
b\u015b\u00f6gn\u00e8va cambi\u00e9 anca l\u00e9.<\/p>\n\n\n\n

A tua al\u00e9gria,
a tua man\u00e9ra
da v\u00e8d ra v\u00ecta,
l\u2019\u00e9ra gi\u00fcsta.<\/p>\n\n\n\n

B\u00e0sta m\u00fc\u015b l\u00f2ngh,
b\u00e0sta difer\u00e9ns,
t\u00fcti ugu\u00e8l,
a tua c\u00e0 sempar av\u00e8rta.<\/p>\n\n\n\n

En Paradi\u015b serviva
on purtin\u00e8 div\u00e8rs ,
ra p\u00f4rta s\u00e9mpar av\u00e8rta
cm\u2019 at f\u00e8v a c\u00e0 tua.<\/p>\n\n\n\n

Chim\u00f2 Papa Francesco,
e las\u00f6 on pr\u00e8v cme t\u00e9,
u pr\u00ecm u pard\u00f2na t\u00fcti
e t\u00e8 ti f\u00e9 pas\u00e8.<\/p>\n\n\n\n

(all\u2019amica Andreina Bellocchio 19 febbraio 2014)<\/em><\/p>\n\n\n\n

ANDREINA<\/strong><\/p>\n\n\n\n

Ciao, inc\u00f6 a s\u00f4\u2019 gn\u00ecd
a u t\u00f2 funer\u00e8l ;
u pr\u00e8v u parl\u00e8va
ad ra m\u00e8istra,
ad ra catech\u00ecsta:
a t\u2019h\u00e9 f\u00e0t vur\u00ec b\u00e8n
\u00e0nca l\u00e9 a Mil\u00e0n;
ma m\u00e9 ta vd\u00ecva
s\u00e9mpar fi\u00f6ra,
c\u00f3\u2019 a tua al\u00e9gria,
a tua fantas\u00eca;
s\u00f9ma cres\u00ecd ens\u00e8ma
cme d\u00fc frad\u00e8i,
at f\u00e8v da sp\u00e0la
p\u2019r e t\u00f2 simpat\u00ec
ad fiul\u00e8ta,
a pr\u00ecma sigar\u00e8ta \u2026
che b\u00e8i i t\u00e9mp pas\u00e8!
Ad\u00e8s am t\u2019\u00e8 scap\u00e8
a t\u2019\u00e8 andata av\u00e0nti
\u2018sp\u00e8tma l\u00e9
Caminaruma ancam\u00f2
ens u nostar p\u00f4nt,
b\u00e8i mar\u00e9nd
ens i nostar m\u00f2nt
in alegria;
fanta\u015bia,
sta s\u00f6 da l\u00e9,
l\u00e0sia ch\u00e9,
ra m\u00f4rt an gh\u2019\u00e8 mia,
and\u00f9ma vi\u00e0,
rida Andreina,
v\u00e9 via con me!<\/p>\n\n\n\n

A Pagn\u00f2ta (Carlo Perini) 17 febbraio 2021<\/strong><\/p>\n\n\n\n

Ciau Carlo, m\u2019\u00e8 gn\u00ecd u gum\u00f2n,
s\u00f9ma cres\u00ecd ent u st\u00e8s purt\u00f2n,
stesa c\u00e0 e ens u st\u00e8s pi\u00e0n,
st\u00e8sa sch\u00e8ra, on<\/sup> p\u00f4 d\u2019af\u00e0n,<\/p>\n\n\n\n

me u fi\u00f6 ad Cam\u00eclo e t\u00e8 ad Vigin,
cres\u00ecvma en<\/sup>s\u00e8ma, s\u2019\u00e9rna d\u00fc b\u00e8i pic\u00ecn,
M\u00eclia e Carm\u00e9la e n\u00f2star d\u00f9 m\u00e0m,
s\u2019agh n\u2019\u00e9ra bi\u015b\u00f6gn es d\u00e8va ona m\u00e0n.<\/p>\n\n\n\n

Ma d\u00f2p qu\u00e8iche \u00e0n, l\u2019\u00e8 nas\u00ecda t\u00f2 sur\u00e8la,
m\u00e9 s\u2019\u00e9ra gel\u00f9\u015b, parch\u00e8 l\u2019\u00e9ra \u00e0nca b\u00e8la,
\u00abD\u00e0i, m\u00e0ma d\u00e0i, comprla \u00e0nca t\u00e8,
ona sur\u00e8la a v\u00f6i \u00e0nca m\u00e9!\u00bb<\/p>\n\n\n\n

Ma i \u00e0n i pas\u00e8va , m\u00e9 s\u00e9mpar da par m\u00e9,
e on \u00e8t\u014dr frad\u00e8l l\u2019\u00e8 riv\u00e9 env\u00e9ci a t\u00e8,
l\u2019\u00e8 stat al\u00f9ra che am s\u00f4n d\u00ect \u00abbeh pasi\u00e9nsa\u00bb,
d\u2019ona sur\u00e8la vurr\u00e0 d\u00ec che far\u00f4 s\u00e9nsa!\u00bb.<\/p>\n\n\n\n

Al\u00f9ra am s\u00f4n f\u00e0t v\u00f2star frad\u00e8l
ads\u00e9 s\u00f9m cres\u00ecs, bag\u00e0i l\u2019\u00e8 st\u00e0t b\u00e8l!
M\u00e9 gn\u00ecv a mang\u00e8 vlont\u00e9ra da t\u00e8
e mand\u00e8vma t\u00f2 sur\u00e8la da m\u00e9,<\/p>\n\n\n\n

a ra s\u00ecra e m\u00e0n i and\u00e8va en c\u00e0 v\u00f2stra
e n\u00fcn bag\u00e0i a \u015b\u00fcgh\u00e8 t\u00fct\u2019in c\u00e0 n\u00f2stra:
a i \u00e9ra \u00e8tar t\u00e9mp, a gh\u2019\u00e9ra \u00e0nca ra gu\u00e8ra
e a ra n\u00f6t en cant\u00e9na a durm\u00ec par t\u00e8ra .<\/p>\n\n\n\n

Ta ric\u00f4rd, a gh\u2019\u00e9ra \u00e0nca ra f\u00e0m,
cm\u2019a l\u2019\u00e9ra parfum\u00e9 e b\u00f2n ar p\u00e0n,
ar p\u00e0n , ad Fano, ap\u00e9na sfurm\u00e9,
s\u00e9nsa compan\u00e0tich, pr\u00f2nt da mange?<\/p>\n\n\n\n

Ar p\u00e0n u gh\u2019\u00e8va t\u00e0nta empurt\u00e0nsa
a l\u2019\u00e9ra \u00e0nca ona roba s\u00e0nta,
par d\u00ec che v\u00fcn l\u2019\u00e9ra br\u00e8v , ef\u00e8t ad ra f\u00e0m,
i ta d\u015b\u00ecva, \u00abt\u2019\u00e8 pr\u00f2pi b\u00f2n cm\u2019on t\u00f2ch ar p\u00e0n\u00bb
Ciau Pagn\u00f2ta, Ciao Carlo!<\/p>\n\n\n\n

FESTA DEI COSCRITTI<\/p>\n\n\n\n

ANNO 2009 Scritta per la festa della leva<\/p>\n\n\n\n

Una profezia che purtroppo si \u00e8 avverata per mio pi\u00f9 caro amico Pietro Mozzi che \u00e8 morto l\u2019anno dopo; il sottoscritto invece me la sono cavata con un altro ictus.<\/p>\n\n\n\n

L\u2019\u00e0n pas\u00e8,
l\u2019\u00e9ra v\u00e8rs s\u00ecra,
me e P\u00e9dar
i gh\u2019ha ciam\u00e8
e, s\u00e9nsa t\u00e0nt
gir\u00e8gh adr\u00e9ra,
i gh\u2019ha anca
strapas\u00e8.
I gh\u2019ha d\u00ect,
ch\u00e8ri cuscr\u00ect,
de r\u00f4b s\u00e8ri\u2026
ad l\u2019\u00e8tar m\u00f2nd:
\u00abCh\u00e8ri fi\u00f6,
vard\u00ecv endr\u00e9
quanta v\u00ecta
l\u2019\u00e8 urm\u00e8i pas\u00e8
Par \u2018sta v\u00f4ta
st\u00ec \u015b\u00f6 l\u00e9
ma p\u00f4 d\u00f2p
gnir\u00ec s\u00f6 ch\u00e9!
Gh\u2019h\u00ec da d\u00ec,
a t\u00fcti qu\u00e0nti,
da vard\u00e8s
on p\u00f4 davanti;
urm\u00e8i ra str\u00e8
an l\u2019\u00e8 m\u00eca p\u00f6 l\u00f2nga
e a ra f\u00ecn
far\u00f9m ra c\u00f2nta!
Ma oh fi\u00f6,
ricurd\u00ecv
che ra v\u00ecta
l\u2019\u00e8 da v\u00ecv!
Amicisia e alegr\u00eca
fa ra f\u00ecfa
scap\u00e8 v\u00eca!\u00bb.<\/p>\n\n\n\n

1935\/2015<\/p>\n\n\n\n

Inc\u00f6 am piasrisa ciap\u00e8v
t\u00fcti par m\u00e0n
e tir\u00e8v end\u00e9ra ent ar t\u00e9mp
e purt\u00e8v ai nostar vent\u2019an,<\/p>\n\n\n\n

C\u00f3 ra v\u00ecta t\u00fcta da v\u00ecv,
on l\u00ecbar t\u00fct da scr\u00ecv,
co\u2019 e n\u00f2star il\u00fc\u015bi\u00f2n,
co\u2019 e n\u00f2star del\u00fc\u015bi\u00f2n<\/p>\n\n\n\n

ma co\u2019 ona sicur\u00e8sa
che l\u2019\u00e8 ona bel\u00e8sa:
gh\u2019avr\u00f9ma on l\u00f2ngh vi\u00e0g,
d\u00e0i, f\u00f9msa cur\u00e0g.<\/p>\n\n\n\n

Far\u00f9ma riv\u00ecv i n\u00f2star am\u00ec\u015b
c\u00f9i che i\u00e8n \u015bam\u00f2 en Parad\u00ec\u015b
Pietrino, Luciano, Gir\u00f2m,
br\u00e8vi fi\u00f6 e br\u00e8vi \u00f2m<\/p>\n\n\n\n

M\u00ecgri ap\u00e9na d\u00f9d\u015b\u2019\u00e0n
Ciuci\u00e0la co\u2019 i so vent\u2019\u00e0n
e d\u00f2p, c\u00f9i ad Santa Maria
t\u00fcti av\u00e0nti, i\u00e8n and\u00e0t v\u00eca<\/p>\n\n\n\n

e d\u00f2p Pierino u fi\u00f6 ad David\u00ecn
ent a s\u00f2 cant\u00e9na, s\u00f9l dar b\u00f2n v\u00ecn,
Carlo Frach\u00e8ta, m\u00e8l nas\u00ecd,
e ancam\u00f2 p\u00fcs\u00e8, mel cres\u00ecd<\/p>\n\n\n\n

av ricurd\u00ecv un n\u00f2star Gn\u00e0p,
igh f\u00e8va bal\u00e8 ar tip t\u00e0p,
da bag\u00e0i, c\u00f9sta l\u2019\u00e8 b\u00e8la
par ona f\u00e8ta ad murtad\u00e8la<\/p>\n\n\n\n

qu\u00e0nd a vur\u00ecva u parl\u00e8va en r\u00ecma
e d\u00f2p d\u2019on b\u00f2t u parl\u00e8va cme pr\u00ecma;
Angela, Cesara e Carla tr\u00e8i nostar d\u00f2n,
c\u00f2ntra ven\u00fcn m\u00f4rt ad n\u00fcn \u00f2m.<\/p>\n\n\n\n

S\u00f4n t\u00fcti ch\u00e9, ens\u00e8ma a n\u00fcn
ad m\u00f4rt agh n\u2019\u00e8 p\u00f6 ans\u00fcn,
s\u00f9ma t\u00fcti v\u00ecv ent u n\u00f2star am\u00f9r
ens\u00e8ma par s\u00e9mpar s\u00e9nsa dul\u00f9r.<\/p>\n\n\n\n

Mur\u00ec an na f\u00e0 p\u00f6 pag\u00fcra
far\u00ec\u015bma ona grama fig\u00fcra!
C\u00f3\u2019 t\u00fcti sti n\u00f2star am\u00ec\u015b
las\u00f6, en \u00e0lt, ent ar Parad\u00ec\u015b .<\/p>\n\n\n\n

Ra vita l\u2019\u00e8 d\u00fcra , ra vita l\u2019\u00e8 ona gu\u00e8ra,
gu\u00e8i a chi c\u00e0sca, a chi c\u00e0sca par t\u00e8ra,
st\u2019\u00e0n ch\u00e9, \u00e8t\u014dr tr\u00ec am\u00ec\u015b i\u00e8n casch\u00e8
Gi\u00e0ni, P\u00e8pi e Guido i gh\u2019\u00e8n manch\u00e8,<\/p>\n\n\n\n

ma turn\u00f9ma ai n\u00f2star \u00e0n
ai n\u00f2star ut\u00e0nt\u2019 \u00e0n:
gh\u2019\u00f9ma da festeg\u00e8 st\u00ec ut\u00e0nta
par riv\u00e8 d\u00f2p ai nuv\u00e0nta.<\/p>\n\n\n\n

Tgn\u00f9ma d\u00fcr, tgn\u00f9msa par m\u00e0n
e ens\u00e8ma camin\u00f9ma v\u00e8rs i s\u00e8nt \u00e0n!<\/p>\n\n\n\n

CLASSE 1935 Festa agosto 2017<\/p>\n\n\n\n

En Parad\u00ec\u015b<\/p>\n\n\n\n

Inc\u00f6 v\u00f6i f\u00e8 on \u00e8t\u014dr s\u00e0it en Parad\u00ec\u015b
d\u00f2nda gh\u2019h\u00f4 s\u00e9mpar p\u00fcs\u00e8 am\u00ec\u015b,
v\u00f4 v\u00e8d s\u2019\u00e8 riv\u00e8 \u00e0nca Rino
l\u2019\u00f2m d\u2019 Armanda: L\u00ecmo.<\/p>\n\n\n\n

F\u00f6ra a u purt\u00f2n gh\u2019\u00e8 ona m\u00fccia ad g\u00e9nt,
ch\u2019a sp\u00e8ta en sil\u00e9nsi s\u00e9nsa d\u00ec gn\u00e9nt,
t\u00fcti m\u00f9c m\u00f9c, co ra t\u00e8sta e i \u00f6c b\u00e0s
en v\u00ecta i \u00e9ra t\u00fcti c\u00f2ntar a i \u00e8tar r\u00e0s.<\/p>\n\n\n\n

In vur\u00ecva m\u00eca ch\u2019i scap\u00e8va da ra gu\u00e8ra,
era t\u00fcta g\u00e9nt ch\u2019i las\u00e8va c\u00e0 e t\u00e8ra,
e chi se ne a fr\u00e8iga si mur\u00ecva ad f\u00e0m
\u00ab i v\u00e8gna chim\u00f2 a f\u00e8gh pag\u00fcra e d\u00e0n.<\/p>\n\n\n\n

S\u00f4 br\u00fct da v\u00e8d , n\u00e8ig\u014dr cme di fr\u00f2n
e ens a b\u00f9ca di gr\u00f2s larf\u00f2n\u00bb
i d\u015b\u00ecva ads\u00e9 s\u00e9nsa ra\u015bun\u00e8
ad\u00e8s i\u00e8n ch\u00e9, i an f\u00e8 m\u00eca entr\u00e9<\/p>\n\n\n\n

cat\u00ecv, lagn\u00f9\u015b e invidi\u00f9\u015b , dr\u00e9ra a l\u00f9,
di di\u00e8v ia ci\u00e0pa a ps\u00e8 en tar c\u00fc
San P\u00e9dar u v\u00e8rda e ia l\u00e0sa f\u00e8
e i di\u00e8v chi r\u00ecda, e \u015b\u00f4 con e ps\u00e8.<\/p>\n\n\n\n

\u00abVoi siete qui per voler di quel Dio,
ma mi diverto troppo e rido anch\u2019io
tengo chiuso ogni via, ogni porta o portone
perch\u00e9 in paradiso non entra un coglione;<\/p>\n\n\n\n

gli egoisti, falsi onesti e gli scaltri
pensano a loro stessi e non agli altri
si dicevano cristiani, parlavano d\u2019amore
ma dentro il loro cuore c\u2019era solo rancore.<\/p>\n\n\n\n

Dio perdona tutti, ma per questa gente
non si pu\u00f2 ignorare e far finta di niente,
dovran provare ad essere odiati
ma soprattutto essere rifiutati\u00bb.<\/p>\n\n\n\n

C\u00f9c c\u00f9c a f\u00f4 f\u00e9nta ad gn\u00e9nt
e v\u00f9l via da t\u00fcta sta g\u00e8nt,
am verd en gir, am s\u00e9nt ciam\u00e8
\u00abp\u00e0sa dadch\u00e9 v\u00e9 ch\u00e9 a vard\u00e8\u00bb<\/p>\n\n\n\n

ma l\u2019\u00e8 u Renato, \u00abs\u00f9m t\u00fcti ch\u00e9
v\u00e8dat u Rino, lam\u00f2 drit en p\u00e9?
u \u015b\u00f6ga co\u2019 Ciuciala, P\u00e0ciu e Pierino
en l\u00e0 p\u00fcse a b\u00e0s, Gn\u00e0p e Pietrino,<\/p>\n\n\n\n

l\u00e0 s\u00f9ta e pi\u00e0nt v\u00e8rda Gir\u00f2m
u \u015b\u00f4ga e ch\u00e8rt co\u2019 B\u00fctab\u00f2n\u00bb
e a Defina? \u00aba l\u2019\u00e8 ens\u00e8ma a u so om,
i r\u00ecda e i c\u00e0nta co\u2019 e n\u00f2star d\u00f2n\u00bb.<\/p>\n\n\n\n

Ad\u00e8s ch\u00e9 s\u00f4 t\u00fct, che h\u00f4 v\u00ecst i me am\u00ec\u015b
sal\u00fct Morandi e mne v\u00f4 dar Paradi\u015b
i h\u00f4 v\u00ecst t\u00fcti,i h\u00f4 v\u00ecst cont\u00e9nt
ens\u00e8ma a t\u00e0nta b\u00e8la g\u00e9nt.<\/p>\n\n\n\n

1935 -2018 In occasione della Festa della Leva<\/p>\n\n\n\n

\u00c0nca st\u2019\u00e0n a g\u2019h\u00f4 da f\u00e8 on s\u00e0it en Parad\u00ec\u015b
d\u00f2nda g\u2019h\u00f9ma s\u00e9mpar, ma s\u00e9mpar p\u00fcs\u00e8 am\u00ec\u015b,
v\u00f4 a v\u00e8d s\u2019\u00e8 riv\u00e8 \u201cBombole\u201d, s\u00ec Maria
\u00fcna de n\u00f2stra d\u00f2n ,da\u015bmantg\u00f9msla m\u00eca!<\/p>\n\n\n\n

Am v\u00e8rd en g\u00ecr , gh\u2019\u00e8 ona m\u00fccia ad g\u00e9nt,
chi v\u00e0, chi v\u00e8gna , i p\u00e8ra g\u00ecr\u00e8 par gn\u00e9nt,
gh\u2019\u00e8 ona gr\u00e0nda conf\u00fcsi\u00f2n
i ha p\u00e9na drev\u00e8rt u purt\u00f2n,<\/p>\n\n\n\n

an gh\u2019\u00e8 p\u00f6 c\u00f9la c\u00f9a ch\u2019a gh\u2019\u00e9ra l\u2019\u00e0n endr\u00e9
c\u00f3n i dem\u00f2ni e e ps\u00e9 ent ar c\u00fc da dr\u00e9,
av ricud\u00ecv av l\u2019\u00e8va \u015bam\u00f2 cont\u00e8
quisti\u00f2n d\u2019am\u00f9r da d\u00e8 e da ciap\u00e8.<\/p>\n\n\n\n

Am v\u00e8gna on d\u00fcbi o m\u00e8\u00ec a g\u2019h\u00f4 on presentim\u00e9nt
an sar\u00e0 m\u00eca riv\u00e9 Mari\u00e0 en m\u00e8\u015b a st\u00e0 g\u00e9nt,
\u00abdr\u00e8va San P\u00e9dar .. dr\u00e8va dr\u00e8va San P\u00e9!\u00bb
Sicuram\u00e9nt Mar\u00eca l\u2019\u00e8 pas\u00e8 dadch\u00e9<\/p>\n\n\n\n


c\u00f3n u s\u00f2 cur\u00e0g a s\u00f9a gr\u00ecnta e u so v\u00f9\u015b\u00e8
avr\u00e0 f\u00e0t scap\u00e8 i di\u00e8v. San P\u00e9dar a l\u2019ha st\u00fcf\u00e8!.
A l\u2019avr\u00e0 st\u00fcf\u00e8 ent ona min\u00e9ra, l\u2019avr\u00e0 d\u00ect, l\u2019avr\u00e0 f\u00e0t,
me l\u2019ho cunus\u00ecda, che u sar\u00e0 and\u00e0t f\u00f6ra da m\u00e0t .<\/p>\n\n\n\n

s\u00eca cmesis\u00eca, l\u2019empurt\u00e0nt che a s\u00eca pas\u00e8
e che ad\u00e8s c\u00f3n u s\u00f2 \u00f2m is s\u00eca ritruv\u00e8,
ma \u2026am s\u00e9nt ciam\u00e8, am g\u00ecr, ti l\u00e0 t\u00fcti d\u00fc, sa f\u00e0n?
b\u00e8i gi\u00f9van, ma b\u00e8i, ens ona trent\u00e9na d\u2019an,<\/p>\n\n\n\n

im r\u00ecda, im v\u00e8rda meravili\u00e8 \u00abc\u00f3\u015ba f\u00e9t ches\u00f6,
sal\u00fcta t\u00fcti i n\u00f2star am\u00ec\u015b e i n\u00f2star fi\u00f6,
d\u00ecgh d\u2019an \u2018v\u00e8igha m\u00eca pag\u00fcra
che, se l\u2019\u00e8 b\u00e8la ra nat\u00fcra<\/p>\n\n\n\n

fig\u00fcr\u00f9msa cme sa st\u00e0 en Parad\u00ec\u015b!
D\u00ecl a t\u00fcti pr\u00f2pi a t\u00fcti i am\u00ec\u015b,
v\u00ecta v\u00ecta v\u00ecta v\u00ecta \u2026. S\u00ec
an gh\u2019\u00e8 pag\u00fcra da mur\u00ec!\u00bb<\/p>\n\n\n\n

S\u00e9nt on rum\u00f9r , on muvim\u00e9nt
v\u00e8d f\u00e8s l\u00e8rgh en m\u00e8\u015b a ra g\u00e9nt..
on b\u00e8l om, \u00e0lt, gent\u00ecl e f\u00f4rt,
ma l\u2019\u00e8 Gionanni e \u015ba ch\u2019l\u2019\u00e8 m\u00f4rt!<\/p>\n\n\n\n

\u00abV\u00e8dat Gigi, cm\u2019as div\u00e9nta ch\u00e9?
S\u00e9nsa bast\u00f2n tr\u00e0l v\u00eca \u00e0nca t\u00e8,
v\u00e9 v\u00eca c\u00f3n m\u00e9 en n\u00e8\u015b a i pr\u00e8
an s\u00e8rva gn\u00e9nt par camin\u00e8,<\/p>\n\n\n\n

ch\u00e9 l\u2019\u00e8 div\u00e8rs , a p\u00e8rt l\u2019et\u00e8,
as p\u00f4 sait\u00e8 ma \u00e0nca vul\u00e8\u00bb
A pr\u00f4v , tr\u00f4 v\u00eca u bast\u00f2n,
a v\u00f9l l\u00ecg\u00e9r ens i cust\u00f2n<\/p>\n\n\n\n

par v\u00e8d i pr\u00e8 p\u00ecn ad fi\u00f9r, ad vi\u00f6r,
p\u00ecn ad g\u00e9nt , di b\u00e8i fi\u00f6 e b\u00e8i fi\u00f6r,
ch\u2019i c\u00e0nta, ch\u2019i b\u00e0la in alegr\u00eca,
ma am ci\u00e0pa pr\u00e8stu ra nustalgia,<\/p>\n\n\n\n

p\u00e9ns a ra c\u00e0 , a ra fam\u00eclia, am v\u00e8gna u mag\u00f2n
sal\u00fct Giovanni, Franco, Mar\u00eca, ci\u00e0p u bast\u00f2n
am v\u00e8gna v\u00f6ia da scap\u00e8, da camin\u00e8 v\u00eca
br\u00fcta r\u00f4ba, par n\u00fcn \u00f2m v\u00ecv ra nust\u00e0lgia<\/p>\n\n\n\n

ma p\u00fcrtr\u00f2p f\u00ecn che gh\u2019avr\u00f9ma st\u00f9 v\u00e8c c\u00f4rp
e ne pir\u00f9na on \u00e8t\u014dr c\u00f3n ra m\u00f4rt,
an pudr\u00f9ma m\u00e8i e p\u00f4 m\u00e8i cap\u00ec ra bel\u00e8sa dar Parad\u00ec\u015b,
e pud\u00e8i pens\u00e8 da v\u00ecv cont\u00e9nt, las\u00f6 c\u00f3n i n\u00f2star v\u00e8c am\u00ec\u015b<\/p>\n\n\n\n

A v\u00f6 v\u00eca cont\u00e9nt, cont\u00e9nt da turn\u00e8 en m\u00e8\u015b ai murt\u00e8l,
parch\u00e8 h\u00f4 cap\u00ecd che an gh\u2019\u00e8 m\u00eca da pi\u00e0n\u015b p\u2019r on funer\u00e8l!<\/p>\n\n\n\n

In ricordo<\/p>\n\n\n\n

Maria Paraboschi
Franco Rossi
Giovanni Magistretti<\/p>\n\n\n\n

POESIE DIALETTALI VARIE<\/p>\n\n\n\n

A D\u00f2na<\/p>\n\n\n\n

On<\/sup> reg\u00e0l ad ra nat\u00fcra.
At s\u00e9rca,
at f\u00e0 n\u00e0s
at f\u00e0 cr\u00e8s e at v\u00f6 on<\/sup> b\u00e8n da mur\u00ec!<\/p>\n\n\n\n

On<\/sup> s\u00f6gn.
At f\u00e0 enamur\u00e8:
l\u2019\u00e8 ra pirmav\u00e8ira, l\u2019\u00e8 l\u2019ist\u00e8,
l\u2019aut\u00fcn e l\u2019en<\/sup>v\u00e8ran.<\/p>\n\n\n\n

At sarn\u00ecsa,
at comp\u00e0gna,
l\u2019\u00e8 a n\u00f2stra b\u00e8la, a n\u00f2stra d\u00f2na e n\u00f2stra am\u00ec\u015ba
en<\/sup>t ra v\u00ecta.<\/p>\n\n\n\n

At f\u00e0 p\u00e8r,
fi\u00f6 c\u00f3\u2019 u t\u00f2 fi\u00f6
agh t\u00e8gna av\u015b\u00ecn
c\u00f3\u2019 l\u2019amur d\u2019\u00f2gni d\u00e9.<\/p>\n\n\n\n

L\u2019\u00e8 on<\/sup> con<\/sup>f\u00f3t miracul\u00f9\u015b
en<\/sup>t u n\u00f2star dest\u00ecn.
At gu\u00ecda
en<\/sup>t ar cam\u00ecn\u00e8 ad ra v\u00ecta.<\/p>\n\n\n\n

Me s\u00f6gn ad riv\u00e8
a ra m\u00eca f\u00ecn
pugi\u00e8 d\u00f9s
en<\/sup>s a s\u00f2 sp\u00e0la
en<\/sup>t\u00e0n<\/sup>t ch\u2019am d\u00ec\u015ba n\u00ecna n\u00e0na.<\/p>\n\n\n\n

A m\u00eca pue\u015b\u00eca<\/p>\n\n\n\n

Parch\u00e8 a scr\u00ecv de pue\u015b\u00ec?
E scr\u00ecv par m\u00e9,
par ricurd\u00e8m on<\/sup> sen<\/sup>tim\u00e9n<\/sup>t,
ona sen<\/sup>sasi\u00f2n d\u2019on mum\u00e9n<\/sup>t
che d\u00f2p a ta sc\u00e0pa via:
at p\u00f4rta v\u00eca ra fan<\/sup>t\u00e0\u015bia.<\/p>\n\n\n\n

B\u00e8l l\u2019\u00e8 c\u00f9l ch\u2019at r\u00e8sta,
fis\u00e8 en<\/sup>t ra t\u00e8sta,
d\u00f2p on<\/sup> f\u00f4rt stram<\/sup>l\u00f2n,
ona gr\u00e0n pasi\u00f2n,
ona s\u00e9m<\/sup>plic car\u00e8sa:
ra con<\/sup>ten<\/sup>t\u00e8sa!<\/p>\n\n\n\n

Sen<\/sup>sasi\u00f2n ch\u2019e sc\u00e0pa via,
sen<\/sup>sasi\u00f2n che et f\u00e0n<\/sup> v\u00ecv
t\u00e8 te scr\u00ecv en<\/sup>s ar mum\u00e9n<\/sup>t,
qu\u00e0n<\/sup>d te v\u00f6, te f\u00e9 riv\u00ecv,
sen<\/sup>sasi\u00f2n, sen<\/sup>tim\u00e9n<\/sup>t:
tgn\u00ecd ar ch\u00e8d sulam\u00e9n<\/sup>t!<\/p>\n\n\n\n

Pue\u015b\u00ec, pue\u015b\u00eca,
b\u00e8i ric\u00f4rd, nustalg\u00eca,
sen<\/sup>tim\u00e9n<\/sup>t, fan<\/sup>ta\u015b\u00eca,
\u00e0n<\/sup>ca v\u00f6ia ad vul\u00e8 v\u00eca!<\/p>\n\n\n\n

A ra mat\u00e9na<\/strong><\/p>\n\n\n\n

T\u00fcti i d\u00e9 am d\u00e8\u015bd
a ra mat\u00e9na,
dr\u00e8v i \u00f6c :
\u00abT\u00f2h, a s\u00f4 ancam\u00f2 ch\u00e9!\u00bb
A m\u00eca v\u00ecta l\u2019\u00e8 l\u00f2nga
e \u00e0nca bela,
ma qu\u00e0nd cam\u00e9n
am t\u00ecr dr\u00e9ra i p\u00e9!
Sar\u00e0 l\u2019et\u00e9,
sar\u00e0 p\u2019r e mag\u00e0gn,
ma qu\u00e0nd am vest\u00ecs
a f\u00f4 fadiga
a m\u00e8tma s\u00f6 i pagn.
Am f\u00f4 ra b\u00e8rba,
a st\u00f4 \u2018t\u00e9nta
d\u2019an tai\u00e8m m\u00eca,
ma ar per\u00eccul
a l\u2019\u00e8 a m\u00eca t\u00e8sta,
che a v\u00f9la via.
Ent u sp\u00e8c
a v\u00e8d on et\u014dr Gigi,
cm\u00e9 qu\u00e0nd a l\u2019\u00e9ra
\u00e0nca on b\u00e8l \u00f2m,
ma d\u00f2p am t\u00e0i,
m\u2019arp\u00eci \u2026
e guardo meglio
e lo specchio
mi dice che sono sveglio.
\u00abCh\u2019\u00e8l lel\u00fc,
ch\u2019\u00e8l cu v\u00e8c l\u00e9,
ma v\u00e8rda on p\u00f4,
ch\u00e9 br\u00fct \u2026 ma ..a s\u00f4 m\u00e9!\u00bb<\/p>\n\n\n\n

Ar p\u00e0pa<\/strong><\/p>\n\n\n\n

O Francesco, D\u00ecu ta bened\u00ecsa!
Da d\u00f2nda \u00e9t riv\u00e8 c\u1f40\u2019 sta t\u00e8sta,
inc\u00f6 t\u00fcta ra g\u00e9nt it fa\u2019 f\u00e8sta
at riv da d\u00f2nda ar m\u00f2nd u finisa<\/p>\n\n\n\n

te at d\u00ec\u015b s\u00e9mpar c\u00f9l che pens\u00f9ma n\u00fcn
e che pens\u00e8va t\u00fcta ra g\u00e9nt:
\u00abar Sign\u00f9r l\u2019\u00e8 br\u00e8v, entelig\u00e9nt,
u v\u00f6 b\u00e8n a t\u00fcti, un v\u00f6 m\u00e8 ad ans\u00fcn!\u00bb<\/p>\n\n\n\n

\u201cLo Spirito Santo\u201d u t\u2019ha f\u00e0t riv\u00e8
da c\u00e0 dar di\u00e8v, da lont\u00e0n,
L\u00fc u f\u00e0 i papa da manim\u00e0n,
ad\u00e8s at g\u2019h\u00e9 da d\u00ecn ra vrit\u00e8.<\/p>\n\n\n\n

Ra Ci\u00e9\u015ba, i pr\u00e8v i fa\u2019 fad\u00ecga a cambi\u00e8,
agh vur\u00ecva tanti generasi\u00f2n
e t\u00e0nti papa, t\u00e0nti vucasi\u00f2n,
ad\u00e8s a tuch\u00e8 a t\u00e9, par d\u00ec ra vr\u00ect\u00e8.<\/p>\n\n\n\n

At vidr\u00e9 c\u1f40n t\u00fct stu parl\u00e8, it far\u00e0n S\u00e0nt!
Ra g\u00e9nt, c\u00f9la che an l\u2019\u00e9ra m\u00eca big\u00f2ta
ra vrit\u00e8 i la s\u00e8va \u015bam\u00f2, an gha vur\u00ecva t\u00e0nt!
Par i\u00e8t\u014dr per\u00f2 sar\u00e0 s\u00e9mpar ona l\u00f2ta.<\/p>\n\n\n\n

Ch\u00e8ri i m\u00e9 big\u00f2t \u2026 da ra m\u00e0n dar sign\u00f9r
an gn\u00ecr\u00e0 m\u00e8i on pat\u00f2n,
L\u00fc l\u2019\u00e8 par d\u00e9 s\u00e9mpar de car\u00e8s, am\u00f9r
e m\u00eca di gr\u00e0n \u015bgiaf\u00f2n!<\/p>\n\n\n\n

Ar d\u00e9 d\u2019inc\u00f6 \u2013 U telefun\u00ecn<\/strong><\/p>\n\n\n\n

D\u00e9 d\u00f2p d\u00e9,
\u00e0n d\u00f2p \u00e0n ,
p\u00e0sa ar t\u00e9mp
e pas\u00f9ma \u00e0nca n\u00fcn!<\/p>\n\n\n\n

On b\u00e8l mum\u00e9nt
at v\u00e8d che ad n\u00fcn,
di n\u00f2star am\u00ec\u015b
an gh\u2019\u00e8 p\u00f4 \u2018ns\u00fcn.<\/p>\n\n\n\n

An ta cap\u00ecs p\u00f4 gn\u00e9nt,
div\u00e8rsa \u00e8 ra gent,
divers \u00e8 ar parl\u00e8,
l\u2019\u00e8 t\u00fct cambi\u00e8.<\/p>\n\n\n\n

Ar ragiun\u00e8?
Las\u00f9mla st\u00e8,
\u201cCio\u00e8 \u2026 cio\u00e8 \u2026
Coccod\u00e8 \u2026 coccod\u00e8 \u2026\u201d<\/p>\n\n\n\n

R\u00f4b ad gal\u00e9n,
l\u2019\u00e8 on starnas\u00e8,
an l\u2019\u00e8 mia
on bel parl\u00e8.<\/p>\n\n\n\n

E d\u00f2p, c\u00f9l parl\u00e8
da par l\u00f9!
\u201cCaro qui, caro l\u00ec,
vengo su\u201d<\/p>\n\n\n\n


s\u00e9nsa gn\u00e9nt en m\u00e0n,
o Batist\u00f2n,
ad telef\u00f9n a gh\u2019n\u2019\u00e8
p\u00f6 dab\u015b\u00f6gn<\/p>\n\n\n\n

ar p\u00f2st du barach\u00ecn
di t\u00f2 t\u00e9mp, a manuv\u00e8la,
i t\u00e8gna on telefun\u00ecn
ent u tasch\u00ecn.<\/p>\n\n\n\n

Ia dr\u00f6va
par t\u00e0nti r\u00f4b,
par cant\u00e8,
par viagi\u00e8,<\/p>\n\n\n\n

ut d\u00ec\u015ba c\u00f4\u015ba at g\u2019h\u00e9 da f\u00e8,ut fa v\u00e8d e st\u00e8l,
l\u2019Orsa maggiore,
l\u2019Orsa minore,<\/p>\n\n\n\n

par\u00f2la d\u2019on\u00f9r,
ut fa pr\u00f2pi t\u00fct,
p\u00f4vri f\u00ef\u00f6, che dul\u00f9r \u2026.
\u00c0nca l\u2019amur!<\/p>\n\n\n\n

E n\u00fcn che s\u00f9ma v\u00e8c,
an cap\u00f9ma p\u00f6 gn\u00e9nt,
o Batiston,
v\u00e8rda ra g\u00e9nt!<\/p>\n\n\n\n

An l\u2019\u00e8 p\u00f4 a nostra r\u00e0sa
I p\u00e8rla da par l\u00f9,
I cam\u00e9na a t\u00e8sta b\u00e0sa,
i p\u00e8ra di cuc\u00f9.<\/p>\n\n\n\n

Ar 2018 \u00d4ci\u00f9 fi\u00f6!<\/strong><\/p>\n\n\n\n

H\u00f4 p\u00e9na fin\u00ec da scr\u00ecv dumiladars\u00e8t
che s\u00f9ma b\u00e8la ent ar dumilada\u015bd\u00f2t
v\u00f9la i d\u00e9
e v\u00f9la e stm\u00e8ne,
c\u00f3\u2019 dr\u00e9ra i m\u00e8i\u015b;
at f\u00e9 p\u00e9na en t\u00e9mp
da f\u00e8 i aug\u00fcri du pr\u00ecm ad l\u2019\u00e0n
ch\u00e8 l\u2019\u00e8 \u015bam\u00f2 l\u2019\u00fcltim.
E m\u00e8? Da fi\u00f6 ch\u2019a s\u2019\u00e9ra,s\u00f4 \u015bam\u00f2 ch\u00e9:
on b\u00f9f , on starn\u00fcd
e ra v\u00ecta
l\u2019\u00e8 dadr\u00e9.<\/p>\n\n\n\n

Ar m\u00f2nd u g\u00ecra<\/strong><\/p>\n\n\n\n

Gh\u2019hi p\u00e8ri bai\u00e8,
ch\u00e8r\u2019 i me fi\u00f6,
ar m\u00f2nd u g\u00ecra,
ar d\u00e9 d\u2019inc\u00f6;
an s\u00e8rva a \u2018ns\u00fcn
crid\u00e8 e vu\u015b\u00e8
i\u00e8n ch\u00e9 da n\u00fcn
par lavur\u00e8 \u2026
A nostra g\u00e9nt,
sinquant\u2019an f\u00e8,
an gh\u2019\u00e8va gn\u00e9nt
da pud\u00e8i mang\u00e8
e i partiva, anca l\u00f9
sensa tanti l\u00e0gn,
par serch\u00e9 ar lav\u00f9
i las\u00e8va e montagn.
C\u00f4\u015ba s\u00ec dr\u00e9ra d\u00ec?
Ch\u2019a s\u00e9rna div\u00e8rs,
ch\u2019a serna pus\u00e8 un\u00e8st?
D\u00ec\u015ba m\u00eca ad luch\u00e8d \u2026.
s\u00e8rca da cap\u00ec,
ra\u015b\u00f2na da s\u00e0n,
an t\u2019h\u00e9 m\u00e8i pruv\u00e8,
d\u2019av\u00e8iga f\u00e0m?<\/p>\n\n\n\n

Ar te\u00e0tar ad ra v\u00ecta (Ai nostar temp)<\/strong><\/p>\n\n\n\n

Ens p\u00f4rta n\u00f6va gh\u2019era Fano
ch\u2019u f\u00e8va ar panet\u00e9
e d\u00f2p ra cartuler\u00eca d\u2019Aim\u00e8,
ar gener\u00e8l Bel\u00f6c,
a Bald\u00e9na co\u2019ra mercer\u00eca
Vig\u00ecn co\u2019 ra sal\u00fcmeria, 
dad l\u2019\u00e8tra p\u00e8rt dra str\u00e8
gh\u2019\u00e8ra Spaolonsi.
Nat\u00e0lu e u bar ad ra Cr\u00e8va; 
s\u00f9ta ai p\u00f4rtagh Pinola
co\u2019 l\u2019uster\u00eca ,
Tramb\u00e0l co\u2019 ra ved\u00fcra
e a Farfal\u00e8ti ona but\u00ecch,
d\u00f2p Carl\u00e8tu u giurnal\u00e8
e Part\u00fc\u015b u cartul\u00e8
en c\u00e0 ad Gino Mos\u00ec;
Ent a c\u00e0 ad Renati
gh\u2019era Pip\u00ecnu ad Tiris\u00ecn
co\u2019 a sua feram\u00e9nta,
Romeo u barb\u00e9,
Caviglia co\u2019 u so bar,
Guerci l\u2019asic\u00fcratur,
l\u2019avuch\u00e8t Mosi con i so d\u00fc fi\u00f6,
un m\u00fct\u00ecn ch\u2019u fa u ma\u015bl\u00e8,
M\u00f2iso, co\u2019 Cleto che f\u00e0 u barb\u00e9, 
d\u00f2p anc\u00f9ra gh\u2019\u00e8 Paul\u00f2n
ad\u00e8s dafr\u00f2nt g\u2019h\u00f9ma ar Bar\u00f2n;.
ent a c\u00e0 ad Rab\u00ecn 
gh\u2019huma i Ramp\u00f2n, 
on gr\u00e0n br\u00e8v savat\u00ecn
che t\u00fct ar d\u00e9 u bat\u00ecva a tm\u00e8ra
e a sua d\u00f2na f\u00e8va ra mai\u00e8ra,
and\u00f9ma av\u00e0nti s\u00e9mpar dad ch\u00e9
gh\u2019era Folini co\u2019 ar l\u00f2t,
Bonini co\u2019i cul\u00e0ndar da sp\u00f9\u015b e caram\u00e8l ad rig\u00fclisia
e d\u00f2p Ricu ch\u2019u f\u00e8va ar barb\u00e9,
ra c\u00e0 d\u00f2nda i st\u00e8va i Plat\u00e8,
ch\u2019u gh\u2019\u00e8va u tax\u00ec,
dasmeng\u00f9msa m\u00eca G\u00f9stu<\/p>\n\n\n\n

d\u00f2p, a \u015aavat\u00f2na ,
Mich\u00e8tu ch\u2019u bat\u00ecva i p\u00e9
e a ra f\u00ecn u \u015b\u00ecu ad Francesco ,
co\u2019 e so p\u00fcgn\u00e0t en espu\u015bisi\u00f2n; 
ma turn\u00f9ma endr\u00e9
vi\u015b\u00ecn a Camilo, u barb\u00e9
gh\u2019\u00e9ra Albino
nig\u00f2si da sch\u00e9rp
e d\u00f2p Giuvan\u00f2la sal\u00e0m, g\u00f2gn e crav\u00e8t,
Capra l\u2019 urlug\u00e8,
Fagnola u fut\u00f2graf,
Davoli co\u2019 Neni par guardi\u00e0n,
Cesarinu panet\u00e9
e d\u00f2p Trolio p\u00e9na l\u00e9
e co\u2019 Mariet\u00ecna at riv\u00e8v
ens san Frens\u00e8sch.
Ecu u nostar pre\u015b\u00e8pi,
ognid\u00fcn a u pr\u00f2pi p\u00f2st,
t\u00fcti ens\u00e8ma a pas\u00e8 ar t\u00e9mp
en t ar teatar ad ra vita.<\/p>\n\n\n\n

Ar p\u00f2nt dar Di\u00e8v<\/strong><\/p>\n\n\n\n

Ad\u00e8s av contar\u00f2 t\u00fcta ra vrit\u00e8,
a p\u00e8r\u014dl du n\u00f2star p\u00f2nt, t\u00e0nt decant\u00e8
ar p\u00f2nt ch\u2019i d\u00ec\u015ba ad san Colomb\u00e0n
ona b\u00e0la, u pr\u00ecm a l\u2019\u00e8ra ruman.<\/p>\n\n\n\n

An centra gn\u00e9nt San Culomb\u00e0n,
n\u00e9 ar di\u00e8v e gn\u00e0nca u c\u00e0n,
\u00e8 sulam\u00e9nt ona st\u00f4ria invent\u00e8
e \u00e0nca, se vur\u00f9ma d\u00ecl, cupi\u00e8.<\/p>\n\n\n\n

En g\u00ecr gh\u2019\u00e8 p\u00ecn di st\u00ec ad p\u00f2nt
en pian\u00fcra, ens i r\u00ec, tra i m\u00f2nt
ad t\u00e0nti furam en tanti cit\u00e8,
che s\u2019a f\u00ecsa v\u00e8ira t\u00fct stu parl\u00e8<\/p>\n\n\n\n

ar di\u00e8v u pas\u2019r\u00ecsa ar t\u00e9mp,
o ch\u00e8ra m\u00eca, b\u00e8la g\u00e9nt
a f\u00e8 di gr\u00e0n p\u00f2nt e de gr\u00e0n p\u00fcgn\u00e0t,
e sar\u00ecsa propi r\u00f4ba da m\u00e0t!<\/p>\n\n\n\n

Berlusconi<\/strong><\/p>\n\n\n\n

An s\u00f4 mia ar parch\u00e8
tanti di me am\u00ec\u015b
che i ha st\u00fcdi\u00e8
p\u00fcs\u00e8 che m\u00e9
i v\u00f9ta Berlusc\u00f2n!
In sar\u00e0n mia cuion!<\/p>\n\n\n\n

Ep\u00fcra as di\u015ba ch\u00e9,
l\u2019h\u00f4 \u2018lgid anca m\u00e9,
che tant un\u00e8st un l\u2019\u00e8 mia,
e an gha v\u00f6 dra fant\u00e0\u015bia,
a cap\u00ec ch\u00e9 , se i l\u2019han condan\u00e8,
agh sar\u00e0 p\u00fcra u s\u00f2 perch\u00e9.<\/p>\n\n\n\n

Ah! L\u2019\u00e8 v\u00e8ira s\u00f4 m\u00e9 u cui\u00f2n!
E va dmand \u00abpard\u00f2n\u00bb,
parch\u00e8 par l\u00fc, ra gi\u00fcst\u00ecsia,
l\u2019\u00e8 sempar ono ingi\u00fcstisia,
chis\u00e0 cm\u2019a sar\u00e0
e chi vivr\u00e0, vedr\u00e0!<\/p>\n\n\n\n

Forza Italia, chi l\u2019ha f\u00f2nd\u00e8?
Dell\u2019Utri condan\u00e8!
U so guardi\u00e0n, mafi\u00f9\u015b,
Berlusca gener\u00f9\u015b?
L\u2019articul 41 bis chi l\u2019ha elimin\u00e8,
\u2026 parch\u00e8, parch\u00e8, parch\u00e8?<\/p>\n\n\n\n

Ma \u015bb\u00e0li a dmand\u00e8m
par t\u00fcti sti r\u00f4b ch\u00e9?
E vi\u00e8tar pud\u00ec spiegh\u00e8m
i d\u00fcbi che g\u2019\u2019h\u00f4 m\u00e9?
Op\u00fcra am f\u00f4 cur\u00e0g e av d\u00ec\u015b ch\u00e9,
f\u00f4rsi u cui\u00f2n an s\u00f4 mia pr\u00f2pi m\u00e9<\/p>\n\n\n\n

B\u00f2bi<\/strong><\/p>\n\n\n\n

Me p\u00e9ns ai n\u00f2star ami\u015b
ch\u2019i camin\u00e8va p\u2019r\u2019e str\u00e8
dar pai\u015b
ch\u2019i n\u00fcd\u00e8va con me suta ar p\u00f2nt
p\u00f6 s\u00f9ma and\u00e0t a gir\u00e8 par ar m\u00f2nd<\/p>\n\n\n\n

camin\u00e8vma p\u2019r\u2019e contr\u00e8
ens\u00e8ma a i\u00e8t\u014dr fi\u00f6
al\u00f9ra a gh\u2019\u00e9ra e str\u00e8
anc\u00f9ra c\u00f3 i ris\u00f6<\/p>\n\n\n\n

an gh\u2019\u00e8vma pr\u00f2pi gn\u00e9nt
as lavur\u00e8va co\u2019 ra t\u00e8sta
per\u00f2 s\u00e8rma cont\u00e8nt
l\u2019\u00e9ra s\u00e9mpar ona f\u00e8sta.<\/p>\n\n\n\n

And\u00e8vma dr\u00e9ra a e fi\u00f6r
p\u2019r\u2019e str\u00e8 s\u00e9nsa fi\u00f9r
c\u00f3 e fn\u00e8star b\u00e8i sar\u00e8
an pia\u015b\u00ecva s\u00f9l parl\u00e8.<\/p>\n\n\n\n

Al\u00f9ra l\u2019\u00e9ra ads\u00e9
bast\u00e8va ona par\u00f2la
bast\u00e8va on \u00f6ci\u00e8
par d\u00ecs enamur\u00e8.<\/p>\n\n\n\n

Am ric\u00f4rd i Parad\u00ec\u015b
s\u00f9ta i p\u00f4rtagh a muru\u015b\u00e8
at serch\u00e8v ona car\u00e8sa
e ta st\u00e8va on p\u00f4 sgnich\u00e8.<\/p>\n\n\n\n

E d\u00f2p v\u00eca tra ra g\u00e9nt
a sf\u00e8 f\u00ecnta ad gn\u00e9nt
e co\u2019 ra m\u00e0n ent ra m\u00e0n
at pas\u00e8v en San Columb\u00e0n.<\/p>\n\n\n\n

E da l\u00e9 s\u00f6 p\u2019r\u2019u castl\u00e8
s\u00f9ta i p\u00f4rtagh v\u00e8c e b\u00e0s
i \u00e8ra s\u00ec on p\u00f4 scrust\u00e8
ma i \u00e9ra t\u00fct ad s\u00e0s.<\/p>\n\n\n\n

As riv\u00e8va s\u00f9ta e pi\u00e0nt
sa st\u00e8vma ens\u2019ona banch\u00e9na
a sn\u00ecistra ar monum\u00e9nt
e a d\u00e8stra ra Madun\u00e9na<\/p>\n\n\n\n

L\u00e9 ra sp\u00e0si u sa \u015blargh\u00e8va
che ar P\u00e8na\u015b c\u00f3 i s\u00f2 prad\u00f2n,
u m\u00f2nt du b\u00f2sch dar Com\u00fcn
i \u00e9ra l\u00e9 davanti a n\u00fcn<\/p>\n\n\n\n

P\u00f6 avanti Barbar\u00ecn
l\u2019\u00c8rta, Sant\u2019 Agust\u00ecnona cur\u00f2na a ra cit\u00e8
p\u2019r\u2019i s\u00f2 \u00f2m e ra Civilt\u00e8.<\/p>\n\n\n\n

Dav\u00e0nti a t\u00e0nta bel\u00e8sa
ona str\u00e8ta, ona car\u00e8sa
e d\u00f2p v\u00eca v\u00e8rs ar fr\u00e8sch,
las\u00e8vma San Fransesch.<\/p>\n\n\n\n

S\u2019enavi\u00e8vma v\u00e8rs ar p\u00f2nt
v\u00e8rs ra Tr\u00e8bia v\u00e8rs i m\u00f2nt
a sa st\u00e8vma ent l\u2019\u00f3rt\u00ecn:
i c\u00e0nt\u00e9va i pasar\u00ecn.<\/p>\n\n\n\n

Gh\u2019\u00e9ra ona v\u00ecsta da incant\u00e8:
maest\u00f9\u015b sa vd\u00ecva ar D\u00f2m
am par\u00ecva da st\u00e8 a sugn\u00e8
e s\u00f2 camp\u00e8n u campan\u00f2n<\/p>\n\n\n\n

S\u2019als\u00e8va en ci\u00e8l u campan\u00ecn
e vul\u00e8va alt i rondan\u00ecn
t\u00e0nt en \u00e0lt da purt\u00e8m v\u00eca:
r\u00e8sta sul ra nustalg\u00eca.<\/p>\n\n\n\n

Nustalg\u00eca di t\u00e9mp pas\u00e8
ad S\u00e0n Culomb\u00e0n e i so fr\u00e8,
t\u00e0nti l\u00ecbar scr\u00ect a m\u00e0n,
\u00e8tar ch\u00e9 R\u00f9ma, Tur\u00ecn, Mil\u00e0n.<\/p>\n\n\n\n

B\u00f2bi l\u2019\u00e9ra on n\u00f9m da rispet\u00e8,
n\u00f9m da c\u00f6na da n\u00f2stra Civilt\u00e8.<\/p>\n\n\n\n

B\u00f2bi e i rum\u00e0n<\/strong><\/p>\n\n\n\n

St\u00e8 ens l\u2019\u00e8rch p\u00fcs\u00e8 \u00e0lt dar p\u00f4nt,
a l\u2019\u00f4mbr\u00eca l\u00f2nga du n\u00f2star b\u00e8l M\u00f2nt,
t\u00e8 s\u00f9l, s\u00e9nsa am\u00ec\u015b, s\u00e9nsa gn\u00e9nt
e ra str\u00e8, v\u00f4da, s\u00e9nsa g\u00e9nt.<\/p>\n\n\n\n

L\u2019\u00e8 on mum\u00e9nt mag\u00ecch, b\u015b\u00f6gna ta\u015b\u00e8i,
ra Tr\u00e8bia at p\u00e8rla, at g\u2019h\u00e9 da sav\u00e8i
ch\u2019at c\u00f2nta ra st\u00f4ria di t\u00e9mp endr\u00e9
s\u00e9nta e t\u00e8\u015ba! At p\u00e8rla anca a t\u00e9.<\/p>\n\n\n\n

\u00abPr\u00ecma ch\u2019a gn\u00ecsa ar Sign\u00f9r
qu\u00e0nta s\u00e0ngu quanti crid\u00f9r,
ens i m\u00e9 s\u00e0s, ens a m\u00eca g\u00e8ra
a gh\u2019\u00e8 st\u00e0t on mas\u00e0car, ona gu\u00e8ra,<\/p>\n\n\n\n

tra I rum\u00e0n e i cartagin\u00e8i\u015b,
on sc\u00e0pa sc\u00e0pa ch\u2019an ta d\u00ec\u015b
par scap\u00e8 da ra m\u1f40rt
i\u00e8n sc\u00e0pe s\u00f6 p\u2019r i m\u00f2nt\u00bb.<\/p>\n\n\n\n

A sent\u00ec st\u00e9 r\u00f4b ch\u00e9
am s\u00f4\u2019 al\u00f9ra dmand\u00e8:
\u00abAn f\u00ecsa m\u00e8i che i bubi\u00e8i\u015b
I f\u00ecsa rum\u00e0n e cartagin\u00e8i\u015b?\u00bb<\/p>\n\n\n\n

\u00c0nca parch\u00e8 a g\u2019h\u00f9ma on p\u00f2nt rum\u00e0n
e a \u201c v\u00e9ra\u201d dar p\u00f9s ad San Culomb\u00e0n,
che a cont\u00e8gh b\u00e8n t\u00fcti i so \u00e0n
as riv\u00e0 ai t\u00e9mp endr\u00e9,urm\u00e8i t\u00e0nt l\u00f2nt\u00e0n!.<\/p>\n\n\n\n

N.B. Sotto la quinta ancata del ponte ne esisteva un\u2019altra di epoca romana<\/em><\/p>\n\n\n\n

La \u201cvera\u201d del pozzo di S.Colombano porta indelebili i segni delle corde: \u00e8 stato calcolato che il suo utilizzo pu\u00f2 risalire al 218 a.C. data della battaglia della Trebbia tra Annibale e i romani<\/em><\/p>\n\n\n\n

B\u00f2bi l\u2019\u00e8 b\u00e8la<\/strong><\/p>\n\n\n\n

B\u00f2bi l\u2019\u00e8 b\u00e8la
da t\u00fct\u2019 i cant\u00f2n
m\u2019 a sua gl\u00f2ria
st\u00e0 ent ra st\u00f4ria:<\/p>\n\n\n\n

gh\u2019\u00e9ra di libar
scr\u00ect a m\u00e0n
i \u00e9ra t\u00fct nostar
ad San Cromb\u00e0n<\/p>\n\n\n\n

\u00e0n pas\u00e8,
t\u00e9mp endr\u00e9
tanti fr\u00e8
t\u00fcti ch\u00e9<\/p>\n\n\n\n

chi lavur\u00e9va
chi st\u00e8va a st\u00fcdi\u00e8
chi pregh\u00e8va
chi as d\u00e8va da f\u00e8<\/p>\n\n\n\n

entant i m\u00fcci\u00e8va
r\u00f4ba e sapi\u00e9nsa
a B\u00f2bi i mang\u00e8va
e an i \u00e9ra m\u00e8i s\u00e9nsa.<\/p>\n\n\n\n

B\u00e8i t\u00e9mp gr\u00e0s
par t\u00fct\u2019i bubi\u00e8i\u015b,
ma d\u00f2p temp\u00e0s
i\u00e8n gn\u00ecd i frans\u00e8i\u015b;<\/p>\n\n\n\n

temp\u00e0s da f\u00e0m
libar a Ruma,
Tur\u00ecn, Mil\u00e0n
e v\u00eca ch\u2019and\u00f9ma\u2026<\/p>\n\n\n\n

G\u2019h\u00ec da sav\u00e8i
Ch\u00e8ra a mia g\u00e9nt
ch\u2019i nostar libar
i \u00e9ra s\u00e8ts\u00e9nt<\/p>\n\n\n\n

t\u00fct ra sapi\u00e9nsa
di t\u00e9mp endr\u00e9
tanta pasi\u00e9nsa
di nostar fr\u00e8<\/p>\n\n\n\n

e ad\u00e8s p\u00f6 gn\u00e9nt
t\u00fct l\u2019\u00e8 spar\u00ecd
i libar, o g\u00e9nt,
i\u00e8n st\u00e0t vend\u00ecd!<\/p>\n\n\n\n

Par fort\u00fcna
i n\u2019han las\u00e8
alm\u00e9nu i \u00f2s
di nostar fr\u00e8<\/p>\n\n\n\n

e par sti r\u00e8st
a v\u00e8gna t\u00fct l\u2019\u00e0n
tanti fur\u00e8st
par San Culomb\u00e0n,<\/p>\n\n\n\n

da t\u00fct ar m\u00f2nd
i v\u00e8gna da n\u00fcn
ma tra i n\u00f2star m\u00f2nt
an gh\u2019\u00e8 urm\u00e8i p\u00f6 ans\u00fcn.<\/p>\n\n\n\n

Alura me di\u015b,
ch\u00e8ra i me fi\u00f6
dar pard\u00ec\u015b
l\u00fc i v\u00e8rda che \u015b\u00f6<\/p>\n\n\n\n

tegn\u00f9msia b\u00f2n
curum\u00e0gh i \u00f2s
e a chi an na ia t\u00f9ca
salt\u00f9m\u00e0gh ad\u00f2s.<\/p>\n\n\n\n

Viva B\u00f2bi
a nostra cit\u00e8,
e i nostar Sant
ch\u2019in d\u00e0n da mang\u00e8<\/p>\n\n\n\n

B\u00f2bi t\u00e8ra ad Sant<\/strong><\/p>\n\n\n\n

Qu\u00e8icd\u00fcn. t\u00e0nt par pud\u00e8i rugn\u00e8
u s\u2019\u00e8 m\u00ecs a dr\u00e9ra a sparl\u00e8,
dr\u00e9ra t\u00fct e a t\u00fcti parch\u00e8 ra g\u00e9nt,
\u00abi bubi\u00e8i\u015b, in s\u00e0n f\u00e8 pr\u00f2pi b\u00e8l gn\u00e9nt,<\/p>\n\n\n\n

ra c\u00e8\u015ba ad San Fans\u00e8sch a cascr\u00e0,
l\u2019aqua ci\u00e8ra dra tr\u00e8bia finir\u00e0
e a Bobi ag gnir\u00e0 s\u00e9mpar menu g\u00e9nt
ads\u00e8 i capir\u00e0n queic\u00f4\u015ba finalm\u00e9nt\u00bb<\/p>\n\n\n\n

Ads\u00e9 i barb\u00f2ta sti menagr\u00e0m
e i g\u00f4dr\u00ecsa bat\u00e9ndas e m\u00e0n
se e capit\u00ecsa ste r\u00f4b dab\u00f2n
i vu\u015br\u00ecsa \u00abn\u00fcn gh\u2019\u00e8vma ra\u015b\u00f2n\u00bb.<\/p>\n\n\n\n

Ma n\u00fcn bubi\u00e8i\u015b, v\u00e8c ma s\u00e0n
ch\u2019\u00f9ma v\u00ecv\u00ecd ch\u00e9 t\u00e0nti \u00e0n
s\u00f9ma chi put\u00e8gia B\u00f2bi,
i\u00e8n b\u00e8n ventis\u00e8t \u00f2m pr\u00f2bi .<\/p>\n\n\n\n

Ventis\u00e8t s\u00e0nt t\u00fcti ch\u00e9 da n\u00fcn
e b\u00e0sta pr\u00e8gh\u00e8ia v\u00fcn par v\u00fcn
ch\u2019i v\u00e8gna \u015b\u00f6 a d\u00e8n ona m\u00e0n
a d\u00e8n ona m\u00e0n da manim\u00e0n<\/p>\n\n\n\n

parch\u00e8 l\u00e0 s\u00f4n t\u00fcti empegn\u00e8
a t\u00e8gn d\u2019\u00f6c ch\u2019in na p\u00e8rla adr\u00e9
e ch\u2019in na v\u00f6 f\u00e8 r\u00f2mp l\u2018armunia
ch\u2019in na v\u00f6 dasf\u00e8 ra compagn\u00eca.<\/p>\n\n\n\n

a gh\u2019\u00e8 s\u00e9mpar st\u00e0ta t\u00e0nta gelu\u015b\u00eca
dr\u00e9ra i fr\u00e8 e a nostra abasi\u00e0
parch\u00e8 ch\u00e9 a gh\u2019\u00e9ra ra c\u00fclt\u00fcra,
di l\u00ecbar, ma \u00e0nca dra nat\u00fcra<\/p>\n\n\n\n

a B\u00f2bi an gh\u2019\u00e8 m\u00e8i manch\u00e8 gn\u00e9nt,
ha s\u00e9mpar sav\u00ecd sfam\u00e8 ra g\u00e9nt
u na d\u00e8va p\u00e8s, l\u00e9var, fa\u015b\u00e0n da mang\u00e8
un rigal\u00e8va pr\u00f2pi t\u00fct,\u00e0nca ra s\u00e9.
Ad S\u00e0nt gh\u2019uma sinqu ab\u00e8,
da\u015bd\u00f2t di n\u00f2star p\u00f4var fr\u00e8,
tr\u00e8i verg\u00ecn, m\u00e8tgha \u00e0nca on v\u00e8sch,
chi in na t\u00f9ca i st\u00e0n pr\u00f2pi fr\u00e8sch!.<\/p>\n\n\n\n

Sich\u00e8 sti t\u00e9nta b\u00e8n ,o fi\u00f6, parl\u00e8gh a dr\u00e9ra
parl\u00e8 ad B\u00f2bi gh\u2019\u00e8 man\u00e9ra e min\u00e8ra!<\/p>\n\n\n\n